Поиск авторов по алфавиту

Автор:Николай Радивил

Николай Радивил Письмо к царским послам 27 ноября 1581 г.

     551 л. А се списокъ з грамоты от пановъ радъ к посломъ.

Наяснѣйшего великого государя Стеѳана Божьею милостью короля полского и великого князя литовского, руского, пруского, жемоитцкого, мазоветцкого, лиѳлянского, княжати семиградцкого и иныхъ от радъ его королевскіе милости Николая Юрьевича Радивила княжати на Дубинкахъ и Биржахъ, воеводы виленского, гетмана навышшего великого княжства литовского и земли иѳлянское, старосты ошменского, Остаѳья Воловича пана виленского и канцлера великого княжства литовского, старосты Берестѣйского и Кобринского, великого государя Ивана Васильевича Божіею милостью государя всеа Русіи и великого князя володимерского, московского, новгородцкого, казанского, астороханского, псковского, тверского, югорского, пермского, вятцкого, болгарского и иныхъ посломъ его дворянину и намѣснику кашинскому князю Дмитрею Петровичю Елетцкому, да дворянину и намѣснику козелскому Роману Васильевичю Олѳерьеву, а дьяку Никитѣ Басенку Никитину сыну

 

 

50

Верещагину, а подьячему Захарье Свиязеву. Что есте писали и до насъ, иж государь вашъ послалъ васъ на съѣздъ з государя нашего послы на месце певнов промежъ Порхова и Заволочья на Заполской ямъ по лутцкой дорогѣ, а быхмо отписали до васъ, на который рокъ на томъ ямѣ Заполскомъ государя нашего послы будутъ и хто именемъ послы и колко с ними людей, ино даемъ вамъ вѣдати, ише великій и наивнѣйшій государь нашъ король его милость на тоже месцо на Заполскій ямъ шлетъ пословъ своихъ о добромъ дѣлѣ и о мирномъ постановеньѣ договоръ чинити князя Януша Николаевича Корибутовича Збаражского воеводу Браславского, а пана Олбрыхта Радивила княже на Отлыце и Несвижю, маршалка дворного великого княжства литовского, старосту ковенского, а пана Михаила Богдановича Гарабурду писаря его королевскіе милости великого княжества литовского. А людей с ними будетъ всякихъ и с провожатыми, также якъ и с вами, до трехъ сотъ человѣкъ, и через посланца государя вашего Захарья Болтина король его милость листъ опасный на послы послалъ, а посолъ папежскій Антоней Посевинусъ и первій з вами зьедетца, и которого часу вы послы государя нашего зьѣхатись имаете, то вамъ посолъ папежскій ознамитъ. Писана в обозе подо Псковомъ лѣта Божьего нароженія , мѣсяца ноября въ  день.


Страница сгенерирована за 0.3 секунд !
Map Яндекс цитирования Яндекс.Метрика

Правообладателям
Контактный e-mail: odinblag@gmail.com

© Гребневский храм Одинцовского благочиния Московской епархии Русской Православной Церкви. Копирование материалов сайта возможно только с нашего разрешения.