Антоний Поссевин Письмо к князю Ивану Голицыну 16 ноября 1581 г.

532 л. А се списокъ с Онтоньевы грамоты в Новъгородъ ко князю Ивану Голицыну з Захаромъ же з Болтинымъ.

Божіею милостію великого государя царя и великого князя Ивана Васильевича Божіею милостію государя всеа Русіи и великого князя володимерского, московского, ноугородцкого, царя казанского и царя астороханского, государя псковского и великого князя смоленского, тверского, югорского, пермского, вятцкого, болгарского и иныхъ воеводѣ новгородцкому князю Ивану Юрьевичю Булгакову Голицыну от навьшшего пастыря в христьянствѣ отца святого папежа Григорья третьяго надесять посолъ Антоней Посевинусъ. Вѣдай о томъ, что мой человѣкъ Ондрѣй Полонскій посланъ и з гонцомъ государьскимъ пріѣхалъ до обозу короля Стеѳана и мнѣ от его царского величества грамоты отдалъ, которое есми зразумѣлъ, что его царское величество ко мнѣ пишетъ, жедаючи мене, што быхъ зверхностного пастыря христьянского и епископа навышшего по наказу мнѣ о постановленью миру печаловатися, а грамоту опасную на послы государевы што быхъ у короля выправилъ, с которой штоб гонца Болтина вскоре отпущено, а к посломъ государевымъ штоб послы королевы выѣхали, промежъ што быхъ и я с ними былъ, ино я тое за жалованье государьское и за любовь противъ навышшему папѣ все хутливе содѣлаю и к посломъ государевымъ выѣду. Але иж бы послы государевы бережно перейти до Заполского Яму могли, Болтина з грамотою опасною штобъ отпустили ранеи, печаловался есми и с нимъ в одномъ же мѣсцѣ для бережности и его и пословъ великихъ посылаю сего служебника своего Василья Земезского вѣрного своего, которой и у государя со мною былъ, а теперь для того к тобѣ посылаю штоб с послами розговорилъ, какъ се мнѣ с ними сьѣхати, в кой часъ, которого дни и гдѣ, штоб о всемъ мнѣ вѣдати можно, и послы королевы пойдутъ; одно деи первіе надобеть, штоб я с послы государевыми напередъ съѣхался, а так я сего Василья Земезского толко ждать буду, и какъ скоро Василей пріѣдетъ, и я, дастъ Богъ, в дорогу, одно штоб Василей вскоре отпускавъ былъ, которому указалъ есми, чтоб грамоту королеву рати королевой желнырей указалъ, што послы государевы бережны будутъ, до которыхъ идетъ, и послы королевы пріѣдутъ. За тымъ челомъ бью посломъ и от мене челомъ ударь. Писана в обозе короля Стеѳана подо Псковомъ лѣта отъ Рождества Христов  мѣсяца ноября  дня.