Свиток Ярославль

Голубинский Е. История Русской Церкви. Том 1. Часть 1

«Свиток Ярославль».

Се аз князь Ярослав, нареченный во святом крещении Георгий Владимерович, с советом преосвещеннаго митрополита Киевского Илариона и всех боголюбивых епископов Русийских княжения нашего, судих написати сия Номоканоны и свиток, соблюдения ради опасного правил святых Апостол и святых богоносных Отец, да не попираемы будут от неискусных. Прежде убо всех, все епископы княжения нашего, егоже нам Господь покори, да повинуются преосвещеному митрополиту Киевскому во всем, под извержением от сана и отринутием от престол их, чесому властелем, серичь 1), князем, боляром и судиям нашим, не супротивлятися, но пособляти, под залогом на церков соборную Киевскую двох тысячей рублей грошей широких. Такожде митрополья и епископская власть цела и нерушима да пребудет над всеми презвитеры, во пределех их сущими, и не имать никто з мирских князей и боляр заступати ни единого пресвитера в каковом любо деле от епископа, во егоже пределе церков имать, под залогом тысячи рублей грошей широких на церков соборную, в нейже пребывает епископ, и погублением ктиторства. Браку всякого чина людей да не дерзнет никто судити, ниже розводити, от

1) Вместо „сиречь“.

639

мирских властелей, под залогом на церковь соборную епископскую пятисот рублей грошей широких: сий бо суд есть епископский. Аще кто от честнейших наших боляр во браце блудном живущи обращется, серич, аще муж, имый жену живую, ину поймет, жена же видущи 1) о жене его прежней, яко жива есть, за него пойдеть: сия обоя, давши залога на церков соборную тысящу рублей грошей широких, розвестися имут и жити во покаянии; аще ли же не восхощут, ино их мирская власть судити и казнити имать по своему суду, повелевши им воздати залог он на церков соборную. Аще ли же кто от людей простых обрящется живя во браце беззаконном, сих епископ по суду своему да казнит залогом, елико возможно, или иною казнию, и от общего сожития их розвести и ко первому браку их причитати, поучивши их, да живут во покаянии. Аще ли же кто от сановитых во блуде яве живет, да престанет от блуда и на церков соборную да даст вины пятьсот рублей грошей широких. Аще ли же прост человек, муж или жена, обрящется яве тож творя, да розведется и залога на церков соборную да даст два рубля грошей широких. Во всем княжении нашем да искоренится всяк беззаконен брак и блуд: тем же преосвещенный митрополит и боголюбивыи епископы да посылают, кийждо во пределе своем, смотрити сего; и аще где таково беззаконие обрящется, исправляти, якоже преднаписашеся. Сия вся суды церков да судит, такожде и еретичество; князем же, боляром и судиям в тые суды не вступатися, и во иныя вся, яже суть написана во правилех святых Апостол и святых богоносных Отец, и в сих Номоканонех наших, под залогами пяти сот рублей грошей широких. Написан же бысть свиток сей Номоканонов в лето от создания мира 6540-e.

(Список, писанный в конце XV века, на бумажном листе, мелкою и связною скорописью, без знаков препинания, вместе со списком жалованной великокняжеской грамоты, хранится в архиве Греко-Унитских Митрополитов, при Святейшем Синоде, и напечатан, как мы выше указали, в I т. Акт. Зап. Росс., № 166, II, стр. 191).