13776 работ.
A B C D E F G H I J K L M N O P Q R S T U V W X Y Z Без автора
Автор:Тарасий, патриарх Константинопольский
Тарасий, патр. Послание к Адриану, папе древнего Рима.
Послание Тарасия святейшего патриарха Константинополя, нового Рима, к Адриану, папе древнего Рима.
591
592
593
594
595
596
597
598
599
600
601
602
603
604
605
606
607
608
609
610
611
612
Вальсамон. Это послание составлено из свидетельств священного Писания и правил; оно доказывает, что те, которые совершают рукоположения за деньги и продают благодать св. Духа, грешат хуже духоборцев; ибо те Духа святого называют рабом Богу, а эти чрез продажу делают Его своим рабом; ибо то продает кто-либо, что принадлежит ему. И уподобляет их Иуде предателю, потому что они дерзают продавать св. Духа, единосущного Христу Богу нашему. А ты должен знать, что слова: священницы глаголите в сердце Иерусалиму — взяты из пророчества Исаии (40, 2); слова: страж, аще увидит меч и проч. — из Иезекииля (33, 6); слова: чисты есмы от крове преступающих повеленное правилами — из Деяний Апостольских, т. е. из заповеди великого Павла пресвитерам (20, 26); слова: „осуждать рукополагающих за деньги, яко Симона волхва”— взяты из 29-го Апостольского правила; слова: ныне глаголет Господь: прославляющия мя прославлю — из начала 1-й книги Царств; слова: „чего не приняли и не имеют” — из 1-го послания к Коринфянам гл. 9; слова; несть ти части, ни жребия в словеси сем — из Деяний Апостольских (8, 21); слова: подобает епископу быти непорочну — из 1-го послания к Тимофею (3, 2); слова: услышим все сие и внушим себе — из послания к Евреям (2, 1); слова: неистленным сребром или златом искуплены — из 1-го соборного послания Петра (1, 18); слова: изыде на гору высоку — из Исаии и Осии; слова: священники яко финикс процветут — из 2-го послания
613
к Коринфянам; и слова: отъят Господь от тебя неправды твоя — из Софонии (3, 15).
Синопсис. Рукополагатели суть служители св. Духа, а не продавцы: ибо приняв туне, по гласу Господа, туне должны и преподавать; и кто покушается приобрести благодать св. Духа золотом, тот отвержен, потому что невозможно работать Богу и мамоне, и эта уродливая ересь нечестивее ереси Македония и прочих духоборцев; ибо те хульно говорили, что св. Дух — раб Бога, а эти делают Его своим рабом, дерзая продавать Его, как рабов, и чрез это уподобляясь Иуде.
Из Деяний: Павел сказал Симону, принесшему деньги, чтобы получить св. Духа: сребро твое с тобою да будет в погибель, яко дар Божий непщевал еси сребром стяжати. (Деян. 8, 18).
Из 3-й книги Царств: Кто хотел, наполнил руки Иеровоама, и делается жрецом, и это послужило в прегрешение и на исчезновение и ниспровержение дома Иеровоама (13, 33- 34).
Из 4-й: Сказал Елисей Гиезию: ты взял серебро Неемана и одежды, поэтому и проказа Нееманова да прилпнет к тебе и к семена твоему во веки. (5, 27).
Из толкования Василия Великого на Исаию: Никто не продает благодати Божией за золото. Ибо туне приясте, туне дадите. Видишь, как вознегодовал Петр на Симона: сребро, говорит, да будет с тобою в погибель, яко непщевал еси благодать Божию сребром стяжати.
Из его же послания к подчиненным ему епископам: Рукополагающие за деньги думают, что не согрешают, когда берут не прежде рукоположения, иди вместе с ним, но берут после рукоположения. Но они должны знать, что взять есть взять, когда бы то ни было. И так молю оставить этот вход в геенну.
Из жизни Златоустого: Собор повелел, чтобы рукоположенные за деньги получили золото от наследников рукоположившего их Антонина и причащались внутри алтаря; но были бы вне священства, дабы, если будет прощено это, не вошел иудейский и египетский обычай продавать и
614
покупать священство. И ищи 2-е правило св. отцов, собравшихся в Халкидоне.
Геннадия Константинопольского: Да будет отвержен и чужд всякого священнического служения и подвержен анафеме как тот, кто мнит приобрести священство за деньги, так и тот, кто обещает преподать его. Ищи еще 22-е правило 6-го собора.
Славянская кормчая. Послание Тарасия святейшего патриарха константинопольского, нового Рима, о том же, к Андриану папе старого Рима. Многочастне и многообразне, евангельски же и апостольски, и отечески учимы есмы, несребролюбный нрав имети в посвящении на иерейство: и не озлащатися, и ниже осребрятися при хиротонии всякого священного мужа, яко же укажем в заповеданных речениях, от написанных богоглаголании, и отеческих учительств. Иже бо руце возлагают, слуги суть святого Духа, а не продавцы Духа: (Мф. 10) туне бо приемлюще благодать Духа, туне и подаяти всем приемлющим ю повелени быша, от господьска гласа сию свободу приемше. Аще же кто обличен будет златом сию купивыи, выпроповедна (явлена) такового сотворити, и отчюжденна священнического чина повелевают. Аще бо и именем священство наследова, но убо вещию ложно покажется слово его: Никто же бо Богу работати может и мамоне, яко же от евангелия научихомся (Мф. 6,18; Лук. 16, 81). А понеже слышахом пророчески Богу вопиющу, иереи глаголите в сердце иерусалиму (Иезек. 33 и 3). Паки же воспрещающу и глаголющу: страж аще увидит меч грядущ, и не возгласит трубою, и людие не сохранятся, и пришед меч возмет от них душу, то крове от рук стража взыщу. Еже или за страх прещения о молчании, или осуждения ради возвещаем всем, и коемуждо первоседателем церквей наших, да со дерзновением по божественному апостолу рцем, чисти есмы от крове преступающих, канонные уставы: и зело наипаче иже на имениях хиротонисавших, или хиротонисанных. Петру божественному апостолу, его же седалище наследи ваша братская святость, яко Симона волхва, сих низложшего. Сего ради не обинуемся, еже возвестити истину, храняще и держаще яже от святых апостол, и приснопеваемых
615
отец наших канонне (правилне) преданная. И аще что от сих преступися от некиих, то гнушаемся и отвращаемся. Братское бо ваше священнолепное архиерейство, законне и по воли Божией старейшинствующи, архиерейским освящением пресловуту имать славу. Рече бо пророком великии и первый архиерей Христос Бог наш: живу аз. Но разве прославляющих мя прославлю. Веси бо мужу желаний духовных, яко отраднейша паче есть македониева1) и сущих с ним духоборец злочестивая ересь: онем бо тварь, и раба Богу и Отцу, Духа святого блядущим: сии же своего им, якоже видятся, раба сего творят. Всяк бо владыка, еже аще имать, аще хощет продает, любо аще слугу, аще и другое от притяжанных им: по сему образу и купуяи владыка хотя быти купленного, ценою сребра сие стяжет. Сице иже безбожную сию вещь соделовающии, низводят Духа святого. Равная согрешают с хулящими, о веельзевуле изгоняти Христу бесы; или якоже есть истиннее рещи, подобни суть Иуде предателю, иже христоубиицам жидом ценою сребра Христа продав. Имже бо образом Дух святой единосущен есть Христу Богу нашему, той и тии тояжде (всякому коему любо буди явленно есть) будут части, якоже указася. Аще же не продается (предъявленно бо, яко отнюдь никакоже) то кроме всякого прекословия несть в них благодати пресвятого Духа: сиречь, иерейства освящение: и аще не прияша, то ниже имут. Да воспомянут убо Петра святого ко иже сие наченшему творити сице глаголющего, несть тебе части ниже жребия в словеси сем. Аще бо продается иерейский сан, то убо излишнее им есть жития честное устроение, и еже в чистоте и добродетели воспитание: то излишнии им есть и Павел божественный апостол, уча (1 Тим. 282): Подобает епископу2) без порока быти, целомудрену, благочинну, учительну, воздержну, трезву, держащемуся во учении верного словесе, да силен будет и утешати в здравем учи-
______________________________
1) Злее Македония духоборца, поставляй на мзде во священство согрешает.
2) Не токмо епископу, но и всякому иерею. Токмо бо яко не поставляет иерей от
епископа разнствует; священство же совершенно имать.
616
тельстве, и противящыяся обличати (епископом и иереем противящаяся обличати). Вся убо сия исчезают и погибают, продаему и купуему бываему священству. Предложенная убо сия от святых избранная речения, чужда всяцем образом священства быти отрекоша, иже когда любо дающего что, или взимающего, в которое убо буди время, любо аще и пред хиротониею, аще и по хиротонии: взяти бо есть, когда любо буди еже взяти. Но и вся церковная произведения отъемлют на подаянии пенязей бывати.
Правило, 29, святых апостол. Аще кто епископ или поп, или диакон, имением приял будет сан, да извержется той сам, и святивыи его. И да отсечена будет всячески от общения, и от церкви отлучена (7 собора 5), яко Симон волхв от Петра.
От деании, святых апостол. Видя же Симон, яко возложением рук апостольских дается Дух святой, принесе им пенязи (серебро), глаголя, дадите убо и мне власть сию, да на него же и аз возложу руце, приимет Дух святой. Петр же рече к нему (Деян. 19), серебро твое с тобою, да будет в погибель, яко дар Божий вознепщевал еси именьми стяжати. Несть убо тебе части, ниже жребия в словеси сем, сердце бо твое несть право пред Богом. Покайся убо от злобы твое сея, и помолися Богу, еда аще отпуститися умышление сердца твоего: в желчи бо горести, и союзе неправды зрю тя суща.
От третиих книг царств. И не обратися Иеровоам от злобы своей. И обратися и сотвори от части людей иерей высоких, иже хотяше исполняше руку свою. И бысть глагол сей в грех дому Иеровоамову, и в погибель и в потребление от лица земли.
От четвертых книг царств (Глава 5). И возвращашеся Нееман к Елисею, сам и все ополчение его, и прииде и ста пред ним, и рече, се аз уведах яко несть Бог по всей земли, но разве во Израйли: и восприими благословение от раба твоего. И рече Елисей, жив Господь Бог, емуже предстою пред ним, аще возму. И понуди и взяти, и не повинуся. И по мале. И рече Гиезию отрочищу своему Елисей, се пощаде мя Господь от Неемана сирианина взяти от руки его я же ми принесе. Жив Господь аще не потеку
617
в след его, и возьму нечто от него: и погна Гиезий в след Неемана. И по мале. И рече Нееман, возьми два таланта серебра. И взят два таланта серебра в два мешца, и две изменны ризы. И по других паки. И рече к нему Елисей, откуда прииде Гиезие; и рече Гиезий, нейде раб твой нигде же. И рече к нему Елисей, не сердце ли мое ходило есть с тобою; и вем когда возвратися муж от колесницы в стретение твое; и ныне взял еси серебро, да купиши им вертограды, и винограды, и маслины, и овцы, и волы, и отроки и рабыни. И проказа Нееманова да прилепится на тебе, и на семени твоем во веки. И изыде от лица его проказою поражен яко снегом;
Василия святого, от толкования на Исаию пророка. Закон даде в помощь, да рекут, не яко глагол сей, о нем же несть дары дати о нем. Сей же закон несть яко глагол сей, но утробного волхвования. Не бо на прелесть умышлен есть якоже они, но истины есть учитель. И они убо о сребре волхвуют, сие бо есть посмеятелно, яко и сребро им воздают мздою от лжи прелыцаемии: глагол же закона несть сицев, дабы дары дати о нем: никто же бо благодать отдает. Туне, рече, приясте, туне и дадите (Матф. 34). Зриши ли како вознегодова Петр о Симоне, сребро о благодати Духа принесшем, сребро твое с тобою, рече, да есть в погибель, яко вознепщевал еси дар Божия пенязьми притяжати (Деян. зач. 19). Несть убо евангельское слово, якоже продаемыя глаголы утробных басней. Кую бо бы кто дал достойную за него измену: послушай Давида недоумевающася и глаголюща: что воздам Господеви о всех, их же воздаст ми (Псалом 115, стих 3); несть убо дары дати о сем противу достойныя благодати его. Един дар достоин есть, хранение воздарованного. Давый тебе сокровище, не цены истязует о даннем, но хранения достойного о поданнем.
От жития святого Иоанна Златоустого. Прииде долгоречиа виновный нам епископом всем Евсевий, навадник шести прочих епископов, моляся прияту ему быти во общение. И противу ему глаголют неции епископы, яко не подобает ему прияту быти, яко клеветнику. О сих моляся глаголя, елма вина сия по множайшей части чрез два лета
618
судом искусися, на свидетели же отложение бысть. Молюся вашему боголюбию, да днесь абие дати ми свидетелей. Аще бо и Антонин умре епископ, взявый златники, и хиротонисавыи, но убо пребывают давшии, и хиротонисаннии. Праведно усмотри настоящий сий собор поисканию быти о вещи сей. И начинается вина от чтении прежде содеянных воспоминаний. Внидоша свидетелие. И приступиша шесть давших и хиротонисанных: в начале убо отметахуся: налагающим же на них свидетелем: овем убо лаиком (людином), овем же пресвитером, им же пепщеваху веру яти. Прежде убо отметахуся: а яко свидетелие обличаху их, места им вспоминающе и времена, и виды залогов глаголюще, и количество. И не зело добре их пребывающей совести, самовольне исповедуют кроме многия нужды, яко дахом и быхом. Сие вознепщевавше воследование быти, да службы народныя свободимся. И ныне молимся, аще убо несть праведно нам в служении церковнем быти, то поне златники их же дадохом, да восприимем паки: жен бо наших дадохом некия ссуды. Иоанн противу сим обещася собору: аз убо, рече, от святилища их избавлю, умолив царя: вы же повелите взяти им, еже дадоша от Антониновых наследник. Тогда повеле собор, злато убо им взяти от Антониновых наследник: причащатижеся внутрь святого алтаря, быти же вне священства: да не тем прощенном бывшим, обычай будет жидовский, еже продаяти и куповати священство (жидовский обычай продаяти и куповати священство). Поведают бо губителя и злоименного патриарха иудейского на кождо год пременяти, или леты обходити собороначальником; се же творити на избирание сребра. По сему же образу и ревнителя сему и египтяне патриарха глаголют: да исполнится пророческое речение: священницы его на мздах отвещаваху, и пророци его с сребром волхвоваху.
Далее в Кормчей приводятся следующие выписки из посланий св. Исидора Пелусиота, которых нет у Тарасия,—именно: Святого Исидора Пелусиота, послание, к Евсевию епископу. Мнози с досадою ругаютътися, яко пенязьми, а не духом хиротониам тайно навершительным изволяющу 6ывати: и аще убо клевещут, то на себе от Бога привле-
619
коша месть (Псал. 5, ст. 6): понеже погубит Господь вся глаголющыя лжю: аще же истину поведают, да веся до которого конца сие протяжется зло, яко за малое приобретете, еже Богу досаждати изменил еси (2 Цар. 2): и кто помолится о тебе: елма ниже о Офнии и Финеесе пред Богом и противу священству его согрешившим обретеся кто моляся, но на последнюю погибель, яко достоинство пропивающе священства, отдашася.
Тогожде, от послания, к Тимофею четцу. Мудре вопрошающему, нужда тебе отвещати. (Иоан. 2, 7; Мф. 20; Марк. 11, 8; Мф. 3, 6; Марк. 1 и 2): Глаголи бо, рече, во уши слышащих. И имеяи уши слышати, да слышит: не творите дому Отца Моего дом купли, иже голуби продающим, Господь рече; святителей назнаменуя, дары Духа святого продающих: понеже в видении голубя божественый явися Дух, богокорчемников изгоняющ. (Разумей, что ради богокорчемники нарицает святый продающыя священство).
Тогожде к Евсевию епископу. (Лук. 3, 10; Иоан. 1, 3): Непотребными каменьми церковь зиждеши, законопреступными, или паче нечестивыми твоими приходы. Взял бо еси цену священства, и дал еси то Зосиме. Сице сие по всей стране промчеся слово, яко у всякого слышащего сия возшумети во обоих ушесех.
Тогожде Зосиме пресвитеру. Всяк купуяй священство, Каиафа христоубиица обретается. Приял еси священство образом несвященным, священства недостойне, пенязьми украв вещь небесную, вторый Каиафа, сребром неизреченныя тайны купив: но есть надежда приложитися тебе на благость, противное бо чторещи тебе не хощю.
Тогожде Леонтию епископу. Аще не волею произведен еси на предстательство церковное, и присужениям, и народом и рукам понудившим тя, то имети будеши помощника Бога, вся пред лицом твоим исправляющего, елика к горнему стягаются устроению: аще же пенязьми, якоже прослулся еси до непродаемого достигл еси сокровища, и стяжати священство якоже Симон вожделел еси, несть ти части ни жребия в сем. Прочая бо щадению оставляю.
620
Едино сие зря, яко и Каиафа священство купив, егда на Христа сие вооружив. Всяк убо иже священство купуяи, Каиафа христоубиица обретается. (Купяи священство вторый Каиафа). Яже бо дел ради уверенна ему быти не могут, сия воздарованьми нечестивыми себе прибретает.
Тогожде к Евсевию епископу. (Езек. 3 и 33): Стража тя дах, рече божественное писание, и узриши меч грядущ, и возвестиши: и аще убо истрезвятся воспрянувше от сна, и к добродетели послушни бодрствовати будут, и тебе и оным спасения будет успех: аще же уши своя заткнут якоже аспиды, ты сам подобающее тебе свершил еси. Темже смотри, да не гласом токмо засвидетельствуй явишися, делы же не искусен и одолен бывая, уступая правлении начальства сущим окрест тебе, и продая благодать нечестивне. Ниже бо злату поручити есть рукоположения, ниже неведети жития приводимых, ниже иным предлагати греха вины, не на умытном и грозном судищи. Ниже бо Адама от порицаниа и мести свободна сотвори, яже о жене ответ и извет, виною ея причаститися отреченных отвещаваю- щаго.
Тогожде, Лукию архидиакону пилусийскому. Аще епископовы очи и честного алтаря суть диакони, ты же сими по попущению Божию начальствуеши, весь оком должен еси быти, яко же оная животная многоочитая. А понеже и еже к Богу приближением онех подражаеши, а не житием якоже уведах: но токмо самем священнослужением, и да не помрачати злыми начинаньми и честное оно совокупление и лик, и безрассудне повинующегося тебе епископа, и лихоимством поскверняти божественный алтарь, и приходы себе от цены хиротонии сбирати. Продающыя бо голуби от вервий бич сотворь, из церкве изгна Господь (Иоан. 2, 7). Темже да не со онеми изринен будеши. Престани сице богатеяся, и вещ будущему приуготовляя огневи.
Тогожде, Евсевию епископу. Добре псалму оному поучился еси, и единообразныя в дом Божии собрал еси, к Зосиме припряг и Марона. Всяко тщание якоже мню, полож, да ничтоже от злых вне алтаря станет. Темже да увеси, яко умножая Симоны иже за пенязи стяжавати Духа Божия непщующия (Деян. 8,19), общий стяжал еси с предателем ме-
621
шец, в желчи горести, и союзе неправды валяяся, и пропивая дерзостне, яже и самем ангелом суть вожделенная.
Тогожде от посланиа, к Ермогену епископу. Писахом бо Евсевию, многая убо яже подобаше, малая же со слезами пишу: сокращу бо множайшая, долгоречив мнен быти блюдяся. Весь град явленная твоя плачевне повествуя, злохитреная и безстудная деяниа возвещает. Коея ради вины продавши рукоположения; чесо ради пропивавши священство; почто корчемствуеши божественными; коея ради вины поскверняеши церковь; чесо ради нищих имения присвояя богатеешися; вскую на праве старости юношескими мечтаешися обиденьми; чесо ради не пребыл еси начальник, но начальствуем от злобы обличен быв. Темже да веси яко больший суд восприимеши, зане содеял еси, яже инем вчинен быв возбраняти: с каноном, 22-м, святого шестого собора, поставляемых на пенязех, аще и епископов или и коих либо клирик, и не по испытанию и избиранию жития, изврещи повелеваем: не токмо же, но и хиротописавшия их.
Следует окончание послания Тарасия: Да слышим сия вси, да внушим, не токмо архиереи, но и иже в клирос причитаемии, и вси живущии по вселенней. Подобает бо излише и прилежнее нам внимати услышанным, да некогда растечемся. Яко не тленными, златом, или сребром искуплены есмы от суетного и отчепредательного жития: но честною кровью яко агнца непорочного и нескверного Христа. Сице и нас научи муж священнейший вследовати написанным, и евангельским, и апостольским, правильным же и отеческим заповедям. Повинуемся глаголом уст ваших. Взыди на гору высоку, возвыси крепостью глас твой. Пойди широтою: проповеждь с дерзновением (зри), яко да возмется и во исчезновение и погибель будет, пенязей ради бываемое рукоположение. И все аще что сребролюбия ради, или неправды ради, и купли срамно приобретателныя сему вследует. Тому бо с воследующим ему отъяту бываему от богатных людей иже именем Христовым нарекшихся, и туне избавления получивших, вся злобе вследующая осквернения, искорененна купно с ними и иссечена да будут. Священницы же
622
яко финики процветут, Христовым благоуханием на спасаемых отдышуще, и церкви победительная припевающе, отъят Господь неправды твоя. Еще же и плоды объемлющих услаждающе: множаще же сия в старости мастите, блаженныя оныя глаголю и нетленныя жизни наследники показующе.
Кормчая прибавляет еще следующие статьи: Святых и благочестивых царей, Василия, Константина, и Леона, от осмыя титлы, главы, 131). Якоже клирика которого любобуди степене, на пенязех производите не попущаем: сице ниже ксенодоха (странноприимника), или птохотрофа (нищепитателя), или носокома (о больных пекущася), или иного коего любобуди честного дому строителя, или коему любобуди церковному попечению вручаема. Аще же сие будет когда: и даяи и взимаяи, и ходатай такового священства, сиречь, уверенного ему какова любобуди строения обнажен будет. Мздоимствам же присвоенном быти честному месту, его же таково лице хиротонию, или попечение, или строение взят. Аще же мирянин будет взявый, или ходатай бывый, то данное сугубо от него взыщется, и паки устроен будет в честне месте, его же таково лице хиротонию или попечение прият.
Таможде. Повелеваем, аще епископ ходатайствующим неким, и положением златник поставлен будет: и дающему, и вземлющему, и ходатайствующему, от священства, или чести клиритския, по священным правилом отверженном быти. О таковей же вине данное, церкви оной присвоено да есть внейже восхоте священство купити. Аще же мирянин будет, иже за сию вину нечто взем, или ходатай в вещи сей быв, о данных ему пенязех сугубо да истязан будет.
Техжде таможде. Епископ есть назиратель и прилежатель всех собирающихся в церкви душ, сущих в епархии его: власть имея посвящати пресвитера, диакона, иподиакона, четца же, и певца, и мниха. Свойственно есть
______________________________
1) См. Collectio librorum juris graeco-romani ineditorum, ed. Zachariae Lipsiae. 1852, p. 79-Epanagogae titr. VIII, стр. 13; р. 80 стр. 15; р. 77 стр. 1 и 2.
623
епископу, смиренным убо сходити, пренебрегати же и презирати гордых, и высокомудрие низлагати, и о стаде беды подымати: и онех утеснение, свою болезнь творити.
О завещании даемых поставляемому архиерею. Подобает твоему боголюбию во всяком действе и избирании на степень, отнюд даров отшаяватися, опасно ведущему. Яко всякий убо грех простое томление подъемлет, Симонова же ересь, сугубое ятому грехом сим, наводит осуждение. Темже всеконечне ересь сию отсекати подобает, и ниже глаголемыми обычайми отверста к сему входа, или оконца имети. Ибо глаголемый сий обычай с сребролюбия внутрь впадше, или возрастше недугом, ни чтоже менше, аще и небольше на осуждение архиереов иже сими мздоимствы ухапленых бывших приводят 1), внегда под честным обличием Симоновей действуемей ереси. Подобает бо аще и честным именем похуленое деяние прикрывается, всяцем образом его отвращатися и отрицатися, и паче егда и откровенне являющу беззаконное то дело. Утаенныя бо струпы, неудобнейша ко исцелению некако обыкоша бывати: и пронырливое имущая в себе законопреступление, удобие паче нежели предъявленная безместиа во многия расходятся. Ниже убо от сопрителныя, ниже от градския, ниже от порицателныя вины, и нивчесомже отнюд взимати, властию Духа святого завещаваем. Ниже от произведения игумена же, или архимандрита, или ексарха (сиречь наместника): но ниже от поставления иконома, или старейшины. Ниже бо (еже есть, зело грознейше) от хиротонии диакона или пресвитера, отнюд никакоже ни по коему же образу, ниже пред хиротониею, ниже по хиротонии подобает взимати. Себо и неискусным сущим в божественных правилах зело явленну быти непщую сему безместию. Темже подобает всяцеми образы, во всех реченных, и якоже лепо и в их же оставихом, не повинны своя руки соблюдати: прежде же рук, и самыя тыя помыслы, и тако свой архиерейский закон управляти должен еси, ведущу ти и извещену бывшу, яко иже сия презирали заповеди и повеления, не наша нака-
______________________________
1) Епископом Симоновою ересию, не подобает ухапленным быти, сиречь, мздоиманием.
624
зания не приемлет, но божественных и священных правил презритель бывает. И яже от сих не избегнет осуждения. Тако убо сия, и аще что другое исправити подобает, с похвалным и подобающим и боголюбезным тщанием исполняя, всякия убо вины и осуждения изято будет боголюбие твое: на украшение же церкви, и на славу юже тоя ради кровь свою излиявшего, пастырем начальника Христа, явитися имаши (о еже и молимся) наследник уповаемых благ. Их же всех (всем) нам буди получити о Господе нашем Иисусе Христе. Яко той есть благих делатель и исполнитель. И тому подобает всяка слава, честь, и поклонение, ныне и присно и во веки веком, аминь;1).
От Марка, евангелие. Зачало 8, глава 11. И вшед Иисус в церковь, начат изгонити продающия и купующия в церкви. И трапезы торжником и седалища продающих голуби испроверже, и не даяше да кто мимо несет сосуд сквозе церковь. И учаше глаголя им, нестьли писано, яко храм мой, храм молитвы наречется всем языком; вы же сотвористе его вертеп разбойником.
Толкование. Еже изгнати Иисусу продающия, Иоанн поведает, но убо в начале евангелия, сей же к концу: достойт бо второе быти сему, еже наивящее укорение иудеям, аще и многажды тожде сотворшу Господу, не обратишася. Пещеру же разбойническу именует церковь, любоприобретения ради: разбойнический бо род об обретении радуется понеже убо и тии на жертву приводяху животная, и продаяху приобретения ради, разбойники я именова. Трапезницы же суть златопроменницы. Приводит же им Исаию пророка оглагольника глаголюща, дом мой, дом молитвы наречется, молимся, да не будет и нам вон из церкве изгнатися: мнози бо и в нашу церковь входят, продающе благая, и купяще горшая. Суть же трапезы променник исполнь имущ, строяще и оправдающе церковная, люблением имения все творяще. Но и столы продающих голуби испровращаются (Иоан. зач. 7), сиречь, архиерей продающих духовные дары. Духа бо образ есть голубь. Да изринет Господь
______________________________
1) См. ставленую архиерейскую грамоту в Συνταγμα ταν θειων κανονων т. V, стр. 547-548 и 550.
625
святителя от святительства. Иже бо злата ради поставляя и, проклят. Но и иже кто от крещеняа дар и чистоту продаст диаволу, сей прода голубь свой, и того ради изгонится вон из церкве.
От евангелия евангелиста Иоанна: от толкования, зачала 7-го. Ныне же в церкви глаголю, иже в слове учении, добрых сущих не поставляюще, но поставляюще злых мзды ради: иже овцы не пользующе, иже суть общии людие: и голуби, иже духовный (реку) дар продающа и большая дающе на высших степенех; ихже Господь изгоняет из церкве, недостойны святительства судя. Но аще кто и пенязь, слово реку, учение продает учитель сый, и не возвещает слова, аще не приобретение имать, и такового седалище опрометает Господь: того убо власть разорит, иного же достойна на учительстем столе посадит:
КОНЕЦ.
626
Страница сгенерирована за 0.21 секунд !
© Гребневский храм Одинцовского благочиния Московской епархии Русской Православной Церкви. Копирование материалов сайта возможно только с нашего разрешения.