Поиск авторов по алфавиту

Автор:Без автора

Вторая грамота п. Досифея к государю Петру Алекееевучу от 2 августа 1700 г., в которой он хвалит посольскую деятельность нашего константинопольского посла Украинцева, советует укрепить Азов и содержать в нем хорошо обученное войско, советует и все вообще

5

Вторая грамота Досифея к государю Петру Алекееевучу от 2 августа 1700 г., в которой он хвалит посольскую деятельность нашего константинопольского посла Украинцева, советует укрепить Азов и содержать в нем хорошо обученное войско, советует и все вообще войска занимать постоянными воинскими упражнениями, просит ходатайствовать перед турецким правительством о возвращении грекам святых мест.

 

Милостию Божию Досифей, патриарх святаго града Иерусалима и всеа Палестины.

Благочестивейший, христианнейший, Богом венчанный, Богом дарованный, Богом хранимый, Богом спраславимый, Богом величаемый, тишайший и самодержавнейший, непобедимый, великий деспота, и великий государь, и превысочайший князю, божественнейший, счастливейший, всегда препочтенный присный Августе и святый великий царю, государь Петре Алексеевич, всеа великия, и малыя, и белыя Росии самодержец, и многих государств и земель восточных и западных и всеа северныя страны отчиче и дедиче наследниче, всепрепочитаемый во Святом Дусе сыне и государю любезный и прежелаемый нашея мерности благодать, мир, милость, мирное состояние и на враги победу молим от Бога Отца и Господа нашего Иисуса Христа святому и великому твоему царствию, а от всесвятаго и живоприемнаго и поклоняемаго Гроба помощь, посещение и освещение. Мы же Бога молим и благословляем и лобызаем во Святом и апостольском лобызанием вашу и Богом венчаемую голову.

 

 

22

Пришедшу сюда в Константинополь вашего державнаго и святаго великаго царствия посланнику Емельяну Игнатьевичу, уведали есмы от него добрая и всем православными желаемая и полезная здравие богославимые вашея державы, и прославили есмы в Троице Бога, сподобившаго нас таковаго великаго дарования, приняли же мы его по подобающему, яко ваше носяще святое и богосиятельнейшее лице. Возвестил же нам, абие пришед, яко имеет указ от божественнейшия вашея державы, дабы, яко древних и духовных ревнителей, боговозвеличеннаго вашего великаго царствия советовал (послу), в которых бы делех ему показалось. И убо покорився с радостию вашего божественнаго величества повелению, пребывали есмы здесь еликое время было, и вельможность его присутствия не подвизахомся ему (?) во всех делех и всем, якоже рещи, паче силы, понеже держащие здесь, всегда имеют сожительствующу лесть и величание, и к незнающим их вменяются не якоже суть ныне, но якоже бы были некогда. Ибо якоже лев некий страшный и зело крепок сый в юности своей, а от старости непотребен быв и лишен зубов и нохтей, и к тому изнемогает и душетерзается; но хотя и таков быв, некоторым мнится быть, якоже бы был и напредь сего крепок. Так здешние владетели, непотребнейшии быв и ничтожни и ратных людей лишены, и всякаго приготовления к войне не имуще, накрывают безсилие и бедность свою, якоже речеся, лестьми, пронырствы, величаниями и гордостьми. Но добрый министр и разумный правитель, сей посланник божественнейшия вашея державы, либо и от иных неких, но наипаче от нас преостро уведав абие дела и состояние, яко суть настоящих (турок), стоял крепок и тверд во всех статьях, якоже некий лев юный, уповав на Бога и к Богу близость вашего божественнаго величества, толико время звероборствова здешними, кто бо исповесть великая лукавства (какие турки) вымышляли, но остались вовсем неначаянно побеждени, так что не токмо сами владетели, но и послы, которые судь здесь, удивились разуму его. Обаче имел, якоже речеся, и нас во всем способника, так что всякую беду и самую смерть пренебрегли есмы, токмо да Богом вашей венчанной державе елико можем, послужим, якоже сам сей вельможный посланник, друг сый истины, сотворит доношение Богом хранимой вашей державе.

В договорех мирных хотели послы английской и галанской быти сами посредниками, но мы советовали есмы вашим и — не приняли их отнюдь. Первое убо, что по возвращении их из Карловича во Адрианополь много говорили, и оба, хуления против славы вашего

 

 

23

божественнаго величества, и не потерпели есмы быти хульником посредниками святыми. Второе же, яко доблественно и не сумнительно были помощники здешних владетелей, да явятся им свойственные ради корысти. Но и здешние владетели не захотели их посредниками, аще бо и несумнительно помощников себе ведали их; но да не свидаются ваши и с послами француза и паповенчаннаго цесаря, которых имеют в подозрении, яко не добро советуют вашим о мире, возбранили им. Извествуемся же, яко сие воля была и суд Господа нашего Иисуса Христа; дабы одни наши посланники без всякаго посредника сотворили мир, дабы и ни един еретик не похвалился, яко был вашим посланником сподвизатель, но един сам Бог является начало и конец вашего божественнаго величества дел.

Мудрецы немецкие, венецкие и польские хвалятся риторикою Димостеновою и книгами диалектики Аристотелевою: в Карловиче, когда мирные договоры совершали с здешними, чаяли, что все добре расположили, однакож обманулись во многих от сих, того ради живут здесь, не могуще еще разсудити своя дела, а лях и неисправлен возвратился, ничего бо не учинил, для которых дел приехал, зане ни ногайцы из мест своих не вышли, ниже полоненых ляхов по ученении мира у татар взяли, которые были в Каменце. А вашего божественнаго величества посланники, увидав и от нас и таковая здешния лукавства, и уповав на милость в Троице Бога и на свойство к Святой Троице богопочтенныя вашея державы, подвизались разумно и осмотрительно, и тако угодная без всякаго погрешения договорились и написали.

Потом здесь ляхи и немцы много чинили и послы сами и многие будучи с ними люди недостойных дел и безстудных, а вашего божественнаго величества посланник был в доме своем яко пустынник, имея дом, яко некую святую обитель, упражнялся с при нем будучими людьми в молитвах и посте, и товарищество его тако устроилось от него жити. яко благолюбезнейшия и разумнейшия люди, так что не токмо нечестивый и еретики, но и сам великий султан похвалил и удивился житию и пребыванию вашего святаго царствия людей, удивляяся наипаче пославшему, яко от нохтей льва признав. А здешних православных священство же и все состояние людское елику честь восприяли и творят о вашей богохранимой превеликой державе, невозможно писанию предати.

К тому турки имея страх державнаго и непобедимаго вашего святаго царствия непрестанно в сердце своем, ибо так благоволил Бог, како сумневалися о бывшем мире междо ими же и святым

 

 

24

великим твоим царствием, но и здесь обретающиеся послы папежские и лютерокальвинские многих ради (причин) мнят, что святое твое и великое царствие не приимет сию бывшую явленно любовь. Сего ради возвещение тех моготы и сущих зде всех послов утвержение бывшие любви просил пристально, не сказав они явно вины сия, но сие токмо рекше, яко полезно имети зде нашим людем, просили у наших славнейших зде послов, да оставят кого-либо потребнаго от сущих сих начальников, дондеже придут другие, сиречь, ожидаемии вашего богомудраго тишайшества посол. И понеже сие видится полезно ради добра и твердаго и безеумненнаго бывшаго мира, дали мы совет, по нужде наставили тех, которыя едины славнейшие послы возвестят вашей божественной и всепречестной державе, которыя имеют пристоящую честь и снабдение от порты.

Радуйся убо Богом прославленный и Богом возвеличение, величайший Августе, таков от Бога возъявлен во вся вселенныя концы чудимый и хвалимый и от всех царей и патриархов и всех мудрых же и великоименных князей, православно же и иначе имущих певаемый и благохвалимый и по всему победоносец проповедаемый, наляцай, крепися, успевай и царствуй в прехождения многих лет, свыше всесильною рукою воставляем и храняем, и от Святаго Духа учим лучшим и изрядным. Аще же и мы, нужно, есть память некоторую нужных вещей сотворити и Богом дарованному твоему величеству, якоже древле Иофор к Моисею и Самуил к Давыду, прибегаем с надеждою обыкновеннаго.

Прочее же глаголем, яко турки, по завещанию лжепророка, аще бы могли и весь мир единожды присвоили бы и всех христиан, не подчиняющихся им, во един и в той же самый час побили бы. Не могуще же сие сотворити, согласуются к миру, сильны же паки будучи, презирают клятвы и договоры, якоже ныне, за еже душе разседатися им, якоже речеся, умирилися со всеми воюющими с ними, однакоже надеются, аще сильны будут, паки со всеми воеватися. Сего ради те городы и Азов, который паче надежды державное и святое твое царствие притяжал и построил, да не оставит, еже украшати его и укрепляти не токмо стенами, и каланчами, и пушками, но и много паче жительством многих добрых людей и воинов изрядных. Глаголю же изрядных и дельных, а не ленивых, и да будет образец Феопомб, который в некотором городе показующего стену ему и вопрошающему, аще крепка и высока есть, рече: добра убо, аще несть женска, знаменуя воинов ненаторство. И Помпей, диктатор греческий, глаголаше: не подобает боятися тучных

 

 

25

солдатов, но тощавых и бледных, наученных назнаменуя воинов. Сего ради Агисилай, царь македонский, с небольшими еллины многие тьмы опровратил перские в Малой Асии, и продая во Ефесе пойманных живых, повелел и продаяху их нагих. Персидским же телесам, белым и нежным ради тучнопитательства сущим, посмеевалися им еллины, яко непотребным сущим и ничего не стоящим. Подобает убо вам обучати воины, понеже не точию подобает быти начальнику начальственну, но и подручных подобает обучати, еже бы трудолюбным быти и покорным. Аще убо сицевыми державное и святое твое царствие населиши Азов и сущия окрест его грады и крепости, стену адамантову построиши великому вашему царствию, и все соседи неприятели никогда дерзнут брань происходатайствовать, или какое досаждение показати. Господь же Бог просветит вашу святую и Богом почтенную державу, да паки пошлет посла разумнаго и искуство имущего в делех, яко да бывше договоры любовные сохранятся не порушны, и ежели бо иное завещевает ваша Богом венчанная держава, возможет подвизатися, исправитися и еже зде славу вашего святаго и великаго и богомудраго царствия сохранить же и возрастити.

О святом же Гробе мы прежде писали вашей божественной державе с нашим архимандритом, по сем два и три, в них же назначали пространно дело, а наипаче яко старой церкве были многи цари; но те едины чудими суть изрядно, елицы попеклися о сооружении и хранилищи и возобновлении святилища, якоже Давыд, Соломон, Осия и Зоровавель. Православные же самодержцы греческие вси вседушно попекошася о чести и правлении, о здании и престроении и хранилищи Господняго Гроба и протчих честных поклонных мест, аще бо и разньственно: великие Константин, Феодосии и Устиниан действовали многая некотороя преславная во святем Иерусалиме, обаче попечение и призрение в нужных вси имели равно. По взятии же от агарян, все паки поровну помогли богоприемному Гробу послами, дарами и иными управленьми, и коликощи сожгоша персы и арабы церкви и самый храм святаго Гроба, многажды царие возобновили многими трудами и иждивеньми и чим же либо иными, еже возмогоша, сохранили чествование всесвятаго Гроба до взятия константинопольскаго от турок. И сие достойно, понеже та Церковь есть перва и материю Церквей, и оною почитахуся христианстии самодержцы больше, нежели почитахуся скиптрами и диадимами. А отнележе взяли турки Константинополь, осталися христиане во Иерусалиме сиротами и пренебреженны, и от еретиков неусыпно наветуемы, но всегда побеж-

 

 

26

даху о Господе. К девятнем же летом за грехи наша пришли немцы до града Софии, случися же и везирь глуп и горд, султан непотребный, обещали французы помощь изрядную по суху и по морю, увы, взяли честь нашу французы-старцы. Но обаче же не мнехом никогда оставити Богу, еже укрепитися бы некогда жезлу грешных на жребии праведных, имеюще упование наше на Бога и на обносительной его образ — ваше святое и великое царствие, а наипаче: яко во днех наших благоволил сам Бог царствовать над христианы таковому царю, которым бысть честь своим предком, пресловущ по всему миру в разуме, во бранех и в победах, в гражданских делах и в церковном уставлении и во иных многих же и высоких, чрез них же возобновил еси хваление православных самодержцев, его же ради писахом вашему державному и святому царствию о сем деле многажды нуждная. Но святое твое и великое царствие писало и утешило нас, малейших богомольцев его, изволивши, яко попечется о паки восприятии честных поклонных мест и сию грамоту вашего божественнаго величества имеем в руках всегда, когда-либо развивающе и лобызающе и живуще с добрыми надеждами, наипаче же зане многажды между сих девяти лет похотели францы возобновити великий храм святаго Воскресения, сиречь, жизнетворнаго Гроба, но турки мнительствующе, яко будет просити поклонные места ваше святое и великое царствие, не дали им изволение. И дондеже пришедше зде вашего божественнаго величества послы, говорили обще малые же и великие, что московские будут просить и прияти поклонные места; французы же сего бояхуся не толико благоговенства ради, понеже предалися мирским страстем, но да не отпадет честь их и вознесется наша во всем мире. Понеже аще будет в руках православных святый Гроб, — православных же первейший есть державное твое и Богом нареченное царствие, явленно, что величайшую честь у всех христиан имеет ваше царствие, и святаго Иерусалима царь есть беспрекословно ваше великое царствие, и есть и говорится первый царь у христиан безсумненно. Но и порта повелела нам пребывати зде, да аще не будет мир с вашим державным и святым царствием, ходатайствуем мы о мире и приимем возмездие святыя места, не просто, но чрез ваше ходатайство.

В сих сущем вещем и пришедшим зде вашего божественнаго величества послом по розговоре главизн о миру, по приказу вашея державы божественнейшие, предлагали везирю и муфтию, и какой ответы дали им они, паки пречестность их сотворят доношение вашей Богом прославленной державе. Обаче аще и приятственно

 

 

27

отвещали, но недоволен есть бывший разговор и ныне бывшу подвигу, да возвратятся святыя места православным, понеже сии (т.е. турки) горды и хотят, чтобы было ходатайство с большим прошением, потом отдати их с тонкими словами, видится быти мало благодеяние. Сего ради ждут величайшаго радения и теплейшее прошение, да явятся, яко творят хотение вашего Богом нареченнаго тишайшества в велико нечто и изрядное. Третие, что сие совершенно везирь и муфтий хотят сотворити, и обще турки яко от единаго гласа говорят, что правда есть греков. Обаче же суть некоторые, которые аще и видят, что француз осужден есть во многих у турок и многажды его презрели, но никогда не возмог учинити каковолибо мщение, обаче паки зазрятся, да некако происходатайствует какое-нибудь смущение. Сего ради и везирь, и муфтий некакое иногда теплейшее и образом некоторым ужасительнейшее прошение вашего державнаго царствия, его же ныне трепещут и боятся и единым слухом им бывают ужасны, и любят с царствием вашим мир и согласие, якоже многажды сказахом и чрез писание, и чрез гласы живущих вернейшему вашего державнаго и святаго царствия рабу Емилиану Игнатьевичу. И тако обретающе причину — ваше сицевое прошение, возвратят места святые православным без извинения. Сего ради молим мы не сами мы едины, но вся Восточная Кафолическая Апостольская Церковь, да яко местник ея, защититель православныя веры и другий равноапостольный новый Константин, и сый и глаголемый, и яко крайний благодетель и опасатель и отец, и утешение всего православнаго рода.

Молим убо богомудре, тишайший владыко, да пишущи Богом почтенное и Богом возвеличенное твое царствие ответ салтану и везирю, яко приемлем и утверждаем главы и договоры мира, напишут и сей; яко приемлет сие со определением сим подобным, яко поклонныя святыя места, которыя побрали французы у греков во Иерусалиме, отдати бы назад грекам беззамотчанья, якоже возвещено им чрез послов своих. Второе: да егда пошлет другаго посла сюда, напишет три граматы особливо токмо ради сего дела: первую к султану, вторую к везирю и третью к муфтию, которыя да будут по сей таблице (списку 4). Аще же изволит божествен-

4) Под «таблицей» Досифей разумеет особый присланный им в Москву список, по образцу которого должны были быть написаны грамоты о св. местах к султану, визири» и муфтию.

 

 

28

нейшая ваша величайшая держава, да приложить что-либо, сиречь аще не состоитца прошение, не престанут мятежи и соблазны; и иное что, еже знает, яко пользует, писать богодухновенной и Богом просвещенной вашего божественнейшества души, ежели бо изволить, да сотворить. Третие: да крепко прикажет, которой посол приедет, дабы он сотворил подобающий подвиг и словом и делом, имея сию яко нужную и первую статью мирную. Сим тако бывшим подлинно есть и несумнительно, яко поклонения отдадут турки православным в вечное повиновение и всемирную похвалу и честь при всех христианских государех царех вашея богомудрые светлости и в прибавление православныя веры.

Такожде воинствуя государь мой благочестивейший и пресветлейший победитель и победоносец, любя Бога Господа нашего Иисуса Христа, присный Август, государь Петр Алексеевич, споборствует вашей державе праведно на супостаты, от вашей светлости правоверуемы Господь, вооружает тварь во отмщение врагов, облечет бо щит правды — благочестивую вашу державу, и возложет ему шлем, — суд нелицемерен; подаст же щит непоборимый преподобие, воеже покорити под ноги его вся варварские языки, ратем хотящия, и победоносца покажет на страсти; такожде и мужи неукротимые изрядными храбростьми и почесть преподобных трудов вечное со от века святыми наследуемую, наслаждение же и покой благочестивейшее государево царствие вышняя благодать да сотворит и всех языков выи ему да покорит.


Страница сгенерирована за 0.82 секунд !
Map Яндекс цитирования Яндекс.Метрика

Правообладателям
Контактный e-mail: odinblag@gmail.com

© Гребневский храм Одинцовского благочиния Московской епархии Русской Православной Церкви. Копирование материалов сайта возможно только с нашего разрешения.