Грамота п. Досифея Московскому патриарху Адриану от 6 марта 1698 года, в которой он опять жалуется на московских учителей Лихудов, говорит о книгах, которые он печатает и думает напечатать, рекомендует вызвать в Москву в качестве справщика книг, а также и

№ 21

Грамота п. Досифея Московскому патриарху Адриану от 6 марта 1698 года, в которой он опять жалуется на московских учителей Лихудов, говорит о книгах, которые он печатает и думает напечатать, рекомендует вызвать в Москву в качестве справщика книг, а также и учителя врача Иоанна Комнина.

Досифей, милостию Божиею святого града Иерусалима и всея Палестины.

Блаженнейший и святейший патриарх царствующаго великаго града Москвы и всея Росии господин, господин кир Адриан, во Святем Дусе возлюбленный и прежеланный брате и сослужителю нашея мерности, блаженство твое сладце, и радости, и братственне целуем, молящеся всеблагому Богу, да сие наше писание получит тя во здравии, благополучии и радости по обою человеку пребывающа. В прошлой осени прииде иеромонах некто, монастыря св. Иоанна Богослова (что во острове Патме), в ваших странах бывый, и имел грамоты ваша ко Хрисанфу моему. И понеже Хрисанфа послахом в Потавию притворением, яко бы ему учитися еще наукам каковым, обаче истина есть сицева: егда прииде он от вас, мнози человецы клеветы на него умышляху, яко же и прежде вам писася, и чтобы ему тамо неколико время преминути. Сего ради писаниныя от вас к нему грамоты аз принял, в них же пишете, яко

81

немощни есте, и по сих ведения не прияхом о добром вашем здравии. Сего ради обретахомся в великом попечении, молящеся токмо о здравии вашем всесильному Богу; обаче Бог утешил нас, понеже в прошлом октомврии некто грек, именем Панагиот Родит, пришед к нам из ваших стран, ведомость принес нам о святом вашем здравии и о великих и предивных исправлениих царскаго пресветлаго величества. Тем же и уповаем тебе быти безболезненну, молящеся Господу Богу всегда, яко да сохраняет тя во здравии и во всякой радости.

Прибытие грека Панагиота к нам не о ином, токмо плачется от злонравных учителей, ему же и хощем дати грамоты, которых просит и приидет к вам. Слышали мы, яко нецыи, помогающе учителем, глаголют: яко аз писал прежде и хвалил учителей, ныне же чесо ради порицаю их? Обаче сицевая глаголющий суть несмысленни, зане Христос, сердцеведец сый, избра Иуду и сотвори апостола яко добраго, егда же бысть зол, отринул его. И св. Григорий Богослов пичиташе толика лета Максима Киника яко честна, и егда бысть зол, отринул его толико, яко Второй Вселенский Собор повеле того Максима ниже христианином глаголати. Тако и мы видеще учителей по образу яко смирных, чаяху быти им и по сердцу добрым, и понеже быша зли и лукави, писали мы лукавство их и злобу, которую и вы видесте очевидно. И не бе потреба писати многи грамоты о сицевых, но подобаше и по единой токмо грамоте послати их куда не есть в далншия страны, и не зде бы им пребывати и писати, что хотят, понеже они тихости стяжати не умеют и пишут сюды лживыя словеса, от чего последует некое зло — и после смерти покаяние что пользует? И толика о них.

Мы зде, како пребываем, Господь весть, и еже бы не подати вам тяготы, изъявляем мало нечто в писании к Николаю Спафарию.

Учителей прислати к вам и книги печатати не нерадеем, понеже страх есть велик, того ради и премину ем время. Ныне напечатали мы книгу в Яшеве зело изрядну противу латинов, от которыя книги печемся прислати к вашему блаженству тридесять книг разных. И зде, во Влахии, печатает христолюбезный воевода тысящу книг, в них же содержится православное исповедание, да еще книгу печатаем, которую собрал иеромонах некий Виссарион, зело потребна есть книга. А предреченная книга напечатана иждивением иерусалимских приходов ко Гробу Господню, аще и зело скудни есмы и долгами отягчени. Прочыя же книги печатаются по моему прошению и увещанию воеводским иждивением, и егда изда-

82

дутся тиснением, хощет прислати воевода к вашему блаженству тридесять книг и больши. Книгу, которую аз хотел печатати на имя твоего блаженства, ради всяких внешних случаев промыслихом иначе печатати, понеже от обл ежащих нас страх мног и ныне уже мнози антихристи суть. Сего ради молим Господа Бога, да умножит тебе лета и будем тщатися ину книгу на имя ваше печатати. В книзе, что воевода печатает, положен и собор четырех святейших патриархов, котории утвердиша и патриаршество московское и вселенским собором прославиша христианнейшаго московскаго царя яко самодержца. Хотехом печатати и оную книгу, которую прислаша некогда во время блаженныя памяти великаго государя, царя Алексия Михайловича четыре святейшие патриарси, и усмотрехом, яко требует толкования некоего и изъяснения, того ради, Богу помогающу, во иной книзе, со иными приличными вещи соглася, печатати будем. Писах выше, что книгу великую напечатал иждивением от Гроба Господня и церкви зело потребную, а иных книг печатати силы нет (сиречь денег нет), и надежда наша по Бозе есть, еже бы напечататися у вас книгам нашим письменным, которыя того ради и послал вам. И учителей пришлем к делу, и препятие не токмо страх, но суть вашим странам непривычни, и не суть довольны управляти дело, яко же подобает, кроме Иоанна Комнина, который зело потребен есть к делу, зане может учинити перво—оглавление вещей, второе—изъяснения некая, третие—изъявления на речения святых отец и изъявления на реченная священнаго писания. А тыя книги, которыя присланы к вам, иныя не правописанием писаны, иныя трудным письмом, и обретаются от того в них погрешения, и требуют исправления не малаго. Иоанн же Комнин при нас надержался и вашим странам привычен и ведом, и от прочих учителей, обретающихся в наших странах, наипаче потребен, и принуждаем его прийти к вам, но он предлагает нам три препятия: первое, яко приходят к вам в ведении сущий, и восхощут изыти паки восвояси, удобно не могут изыти; второе, яко отходяще сим образом, не могут имети довольную милость на потребы своя, чтоб могли по сих управити житие свое; третие, боится, чтобы ему не употребляти дело врачевское. Сего ради видится нам праведно, чтобы ваше блаженство, поговоря с царским величеством, аще благоволиши, отпиши ваше блаженство к сему Иоанну свою патриаршескую грамоту, чтобы он пришел к вам токмо ради книжного дела духовнаго, о художестве же дохтурском ему пещися нимало, сиречь, чтобы ему токмо исполняти ваше повеление,

83

кроме аще что устроити ко здравию царскаго величества или твоего блаженства; сие ниже он сам не непотщится устроити всяким образом о здравии вашем. И имел бы он довольное жалованье вашего блаженства, пребывая при вас пять лет и управляя ваша дела. Егда же совершит книжное дело, и, аще восхощет возвратится восвояси, изшел бы невозбранно из ваших стран. И егда узрел бы вашего блаженства по первому званию грамоту, оставя всякое малодушие и извинение, притек бы к вашему блаженству.

Брате о Христе превозлюбленне, потщитеся совершитися во время ваше сицевое благоугодное дело, дабы память ваша пребыла вечна и безсмертна, и в день Господень да получиши и воздаяния апостольская, и наипаче яко во времени вашем возможно быти и будет, аще же ныне не будет, к тому несть надежды быти. И аще изволите попещися и прислати по вышереченному образу грамоту, вручите тую носящему наши грамоты сгуру (?), а он потщится прийти таковой грамоте ко Иоанну Комнину и той, получив таковую грамоту, в тотчас притечет к вам. И паки просим братственную твою любовь, порадей о сем духовном деле, лета же твоя да будут многа и блага и всякия противности выпила. Из Букорешта 1698 года марта в 6 день.

И еще под грамотою приписано сице:

Сегодня неделя сырная, изшед аз из церкве и хотя запечатати грамоту сию, приспе к нам писание от султанова переводчика, и пишет нам, что французский посол взял указ сотворити папежником великия главы, свод над Гробом Господним. Да еще он же пишет, что говорил везирь дать и нам указ строити вместе с ними. И сего ради в будущую седьмицу отселе пойдем в Адрианополь взять указ и итти во Иерусалим, а хотя и денег нет, и мы будем в рост занимать. Зрите, в каковых мятежах и смущениях обретаемся и вся, Богу помогающу, исправляются, токмо денег нет у нас в руках. — Зрите, цари еретические, каковая тщания творят о Иерусалиме, сколько мешков, сколько тысящей истрошают! А мы убози и скудни, и взираем на бедных греков и обретаются без души, а есть ли Бог изволит и возмем мы указ устрояти Гроб Господень, по нужде одолжимся великими долгами, понеже латини токмо что служат над Гробом Господним, церковь же великая соборная и святыя Голгофа и Предтечи и Пресвятыя Богородицы, Обретения святаго креста, вся в наших руках и требуют великаго и многаго иждивения. А наипаче вне дверей Гроба Господня обретается великая колокольня и требует построения; тут же

84

и три церкви сряду: Иоанна Богослова, Иакова апостола и Воскресения, и сия требуют построения. Еще и церковь св. Гроба разселася, ныне уже шестьсот лет никто извести горсти не кладывал, а если не построити ныне, — бедствует и все в конец разрушится. Еще и святаго великаго отца Саввы половина лавры разрушилася и вся требует построения. И сия вся, аще построена будет, отягчимся великими долгами и некогда избавитися возможем от таких великих долгов, аще не пришлем к вам человека своего с прошением. Хотехом писати и к царскому величеству пресветлому, его благсловяще и молящеся, святым и апостольским целованием целуем, но устыдихомся тягость подати, и блаженство твое да устроит о нас ведение. Во писании к Спафарию есть и о иных делех и изволь посмотрити.

Мы надеялися от агарян ныне имети некую ослабу, понеже французы с цесарем мир положили; но они за задор ваш горше нас уничижают, и Бог да будет праведный судия. Внизу подпись патриаршей руки:

Целование моею рукою Досифеевою, целую ваше блаженство святым целованием.