Грамота п. Досифея Московскому патриарху Адриану от 10 августа 1693 года, в которой он жалуется на учителей московской школы Иоанникия и Софрония Лихудов и советует патриарху Адриану, чтобы пришлые в Россию архиепископы не титуловались в ней патриархами.

№ 19

Грамота п. Досифея Московскому патриарху Адриану от 10 августа 1693 года, в которой он жалуется на учителей московской школы Иоанникия и Софрония Лихудов и советует патриарху Адриану, чтобы пришлые в Россию архиепископы не титуловались в ней патриархами.

Блаженнейший и святейший патриарше царствующаго и великаго града Москвы и всея Росии, господине, господине кир Адриане, о Святом Дусе любезный брате и сослужителю нашея мерности, твое блаженство сладце и радостне и братственне целуем, моляще Господа Бога, яко да сохранит тя во здравии и во всякой радости.

76

Аще Бог всех, испытуяй сердца человеческая, и видяй и взираяй не на лица, но на сердца, свидетельствовав святыя, яко блази, таже преступившыя наказа, яко же Моисеа, Аарона, Мариам и ины многи от святых; кольми паче мы, человецы суще, и свидетельствовавше высокая некая и чудная о Иоанникии и Софронии учителех, зле уже убо хотящих деяти, подобает не стыдитися нам, но обличати согрешения их. И не есть дивно, аще вы, близ суще их, не весте сущая от них деяния беззаконная, мы же, далеко суще, глаголем сия, понеже един Бог весть всяческая, человецы же, наипаче о многих поборающе и многая имуще попечения, якови есте вы, возможно вам многое не ведети. И сего ради повелевает Дух Святый, да друг друга исправляем, и сего ради божественный Павел и апостолы восхождахуся во Иерусалим и двизаху пресвитером евангелие, да не иным проповедавше и в нечесом прельстившеся сами непотребни будут. У вас суть деяния вселенских соборов, и зрите колика и святейший патриарси и инии архиерее писаху ко друг другу, хотяще утвердити друг друга во многих. Мы убо и сия ради вины и яко заступихом чрез грамоты наша, и убо повелением нашим приидоша к вам реченнии иеромонаси, понеже уведехом и от архимандрита Исаиа и от иных многих, деямая у них, пишем нужная к целомудрию их великим государем, их царскому величеству, пространно; пишем же и твоему блаженству по подобающему, яко единому епископу подобает у вас бытии — тебе, святейшему патриарху, иже убо некая един, некая же соборне зриши и судиши случающаяся и пасеши равно своя и странныя тоюжде властию и тоюжде силою, прочий же вси толико страннии, яко же и не страннии, повинни суть и подчинении во всем церковному суду. Убо и учители обличи, запрети, да уцеломудрятся, сиречь, не торговали бы, князьями не назывались бы ни они сами, ни их дети, понеже случаем убогие люди (и ремесленные) и непородные и они сами, и родители их, и прадеды их. О школе подобает прилежати, латинскаго же учения весьма не показывати, яко ходатая великих злых, и наконец себе самых знати учители токмо школы, а не иных дел. И аще случится, церковное дело, глаголати им вашим повелением, а не приимати им лица судии; и аще случится кое истязание или су мнение, по вашему архиерейскому повелению решити им со всяким тщанием праведно по преданию церковному или, паче рещи, и по евангельской заповеди независтно, яже и вси митрополита российстии сохраниша и во исповедании прежде бывшаго патриарха обдержится. Учители же, или сии или ин будет, без великия нужды воли

77

учити или глаголати некая, или обще или народне или собственне, не имели бы, еже бы раздором в Церкви не быти.

Еще нецыи из зовемых архиепископов, приходяще к вам, зовутся патриархами, еже есть неправедно всевесьма беззаконно; о сем пространнее пишем к царскому величеству. Прислахом же и грамоту в Цареграде бывшаго Собора, юже ваше святейшество дабы вписал бы еси в священный кодик сущаго при вас патриаршества, яко аще кий отныне архиепископ назовется патриархом во всей пастве вашей, да накажется и изгонится яко священнокрадяй патриаршеское имя и сквернящ и преначертаваяй патриаршеское титло. Мы же убо бдяще о кафолической церкви, еже долженствуем творити, творим; ваше же есть писанным прийти в совершенство, яко да обретшееся благоразумии и вернии икономи (сиречь строители и управители) во дни Господни приимите от него безсмертную мзду, иже и да сотворит лета ваша премнога и преблага, аминь.

1693 года августа в 10 день из Влахии. Досифей, милостию Божиею святаго града Иерусалима и о Христе брат.