Грамота п. Досифея Московскому патриарху Андриану в августе 1692 года, в которой он выражает свою радость по поводу вступления Андриана на Московский патриарший престол, просит позаботиться его о благоустроении Южнорусской Церкви, в которой туземные и при

68

№ 16

Грамота п. Досифея Московскому патриарху Андриану в августе 1692 года, в которой он выражает свою радость по поводу вступления Андриана на Московский патриарший престол, просит позаботиться его о благоустроении Южнорусской Церкви, в которой туземные и пришлые архиереи рукополагают на одной литургии многих иереев и диаконов, просит его позаботиться об увеличении на Украине числа епископов.

Досифей, милостию Божиею патриарх святаго града Иерусалима и всея Палестины.

Блаженнейший и святейший патриарх великаго града Москвы и всея Росии и всех северных стран господине кир Андриане, во Святом Дусе возлюбленный брат и сослужителю нашей мерности, твое блаженство любезно и радостно целуем и просим Господа Бога, яко да просветит и укрепит на всякое благое управление вверенныя ему паствы и да направит стопы его на путь мирен.

Прежде писахом единожды и дважды о разных делех, наипаче же раду ющеся, яко вместо блаженныя памяти Иоакима патриарха возрасте и явися твое совершенство, яко пастырь благий по писанному, и сие есть дар величайших и благочестивейших царей светлый, предваряющу свыше избранию. Сорадуемся убо вам в правей и непорочней благоискуствующим вере, воздадеся бо честен муж, его самое вещей венча начинание, муж к церкви во благих попечениих многая иждив лета, и всечестную седину во церкве служениих убелив, ибо подобаше изрядным наипаче Спасителя стадом мудру и ведущу датися настоятелю, пастырственнаго художества полну, имущу ум и на благой пажите и на месте злачне пасти ведущу, искушену же вещми, яко верному и искреннему иконому. Молимся убо, яко да Господь вышними возвеселит тя дарованиями, богатою благодатию, да право правя слово истины и святых отец последуя вере, благоискусен будеши чрез пощадность и благочестие всех нас Спасителя Христа. И сия убо до толико.

О нас глаголем, яко доброе дело всегда имеет многия неудобности, еже прийти к концу. Тем же аще кто весть и множицею человек поучаяйся, да сотворит, что благо, в нем же разумеется и доброе, обретают его многия тщеты и скорби, яко же наскакивает сатана с тминными злополучии и напастьми, наскакивают сыны века сего тминными оклеветании и лукавствы и иными злыми, ими же могут происходатайствовати, и наконец препинают оному делу доб-

69

рому, яко же и блаженный Павел, сосуд избрания, имеяй в себе Христа глаголюща, толик сый, и сицев не избеже сицеваго лукаваго навета: восхотехом бо, глаголет к фессолоняном, прийти к вам единощи и дважды, и пресече нам сатана. Отселе и мы, ово убо за утешение случившагося убожества святому Гробу и облегчения тяжчайшаго долга, его же происходатайствоваша святому Гробу времене обстояния, овоже и некоего ради образа нужных книг совершающих к состоянию Православия, восхотехом присущего послати к сущим тамо, и наипаче: яко да и прочая нам случившаяся нечаянно злая возвестит живым гласом благочестивейшим и величайшем самодержцем и вашей братской любви, еще же и преизящному синклиту и, просто рещи, сущей при вас святейшей кафоличестей церкви. Но препятие бысть сам сатана и последователи его. Ныне же, не могуще иначе сотворити нуждных ради треб, уповавше на престрояющаго жестокия пути на пути мягкия Бога, посылаем сего о Христе посельствующа, и молим твое блаженство, да приимеши яко моего человека и сущего у нас святейшаго и апостольскаго престола лице носящаго, яко честна и мудра, да имаши его в присвоении, и приятстве, и любви.

Подобает ведати, яко отнележе новосекоша латини в символе веры и отторгошася Церкве падоша во многая беззаконная новосечения, якоже прегордое папежство возмути и смущает и обычаи, и каноны, и предания не точию святых отец, но и самих духоносных апостол. Росы же на Украине, аще и хранят православие неколебленно, обаче многия обычаи православных растлиша, от них же суть нецыи и доныне держание сия, в них же и еже хиротонисати архиерею многи диаконы и иереи в единей и той же литургии. Еще же и нецыи архиерее, бегающе отселе на Украину, от них же больший суть извержени за их злобы, творят тояжде во месте тамо приходяще, еже яко есть дело неподобно и весьма пребеззаконно, вопиют и законы, и уставы, и каноны, и самое кафолические христовы церкве предание. Сущая же при вас святая и кафолическая церковь, не веемы, за что терпит бывати таковым, и наипаче ныне, яко общею мыслею дадеся тоя епархии управление вашему пепечению и надзиранию; аще мнят мала некая вне предания сицевая бывающая, но церковь не знает великаго и малаго пременения, но всякое пременение беззаконно быти мыслит. Тем же глаголет святый Тарасий, патриарх Константинопольский, в первом деянии вселенскаго седьмаго синода: еже бо в догматех или малых или великих грешити, тойжде есть, от обоих бо закон Божий отвергается. И Фотий святейший, и той па-

70

триарх константинопольский, пиша к римскому Николаю папе, глаголет: суть еще обща всем, яже всем хранити нуждно, и прежде иных яже о вере, зде и еже прегрешити мало, грешити есть грех ко смерти. Подобно убо есть твоему блаженству попещися, еже бы им исправитися во беззаконной хиротонии и во иных неких тамо беззаконно бывающих: 1-е, яко близко град; 2-е, яко не едино препятие; 3-е, яко аки патриарх носиши со Святейшим твоим Синодом лице повсеместныя церкве в сущих тамо, и подобает тебе пещися о всех церквах, яко же заповедует блаженный Павел; 4-е, яко приял еси залог от церкви да предстательствуеши и печешися о митрополии киевстей и о подлежащих той епископех; 5-е, яко имаши и предстательство и помощь божественнейших и святых самодержцев. — Имать же быти исправление весьма сицево: Украина имеет разныя городы, сего ради аще епископи, сущий тамо, успевают хиротонисати потребныя иереи и диаконы, повелите им соборне, и утверждением божественных грамот боговенчанныя державы, не хиротонисати на единой литургии многих, но точию единаго иерея и единаго диакона, и кто преслушает, да извержется епископии и изринется, и вместо того ин да хиротонисается. И аще многи городы суть и веси и место многое и епископи не успевают хиротонисати, доносите божественной высоте, и повелением высокости их божественная назрите со изрядными священнаго синклита управители боляры и избранными святых архиереев, описующе колики грады суть и городки на Украине, и определите в прибавку поставитися и иным епископом, еже бы довольным быти и законно хиротонисати иереи, и народ учити благопотребным. И еже сему делу нуждну быти, и свидетель святый Павел, пиша к Титу хиротонисати по градам пресвитеры, рекше епископы, кийждо бо епископ и пресвитер, но (не) всяк пресвитер епископ. Второе, яко древний святии участиша управления множеством епископов еретиков ради и да провосечется слово истины, еже и Великий Василий, митрополит сый, сотвори в епархии своей, еже явно есть и свидетельства не требует. Третие, яко приснопетии самодержцы по времени нужде производиша епископии на митрополии, и во многих градех на сущия прежде митрополии и епископии расположите и хиротонисаша по временем святейший патриарси. Тем же и в сущих ту божественное, величайшее и православное самодержавство есть, и да будут епископи болыпи во всяком знаменитом граде, бывающу убо повелению от божественнаго величества и соборному избранию, хиротонии же от митрополита киевскаго. Аще же ныне в начале и хиротонисатися будут епископи

71

в сущих ту от собора и пошлются, не есть странно, но и законно и обычно во церкви, обаче посылаеми во епархии своя, да поминают митрополита, и егда кий епископ умрет, да хиротонисает другаго митрополит, не избирая того самовольно, но со всем собором прочих подлежащих ему епископов. И радуемся, аще бо хиротонисалися епископи московстии от сущих ту, колицы бо суть и толицы честнии архимандрита и чисти от новосечений, яжа имеют нецыи казаки. И сице есть мысль неких архиереев, яко аще поставятся и инии епископи, умалятся нынешних епископов приходы, глаголем, яко да сохранятся пределы, узаконения и предания святыя церкви восточныя, имеем нужду, зане преступление аще и мало, но имеет велико мучение, и еже имети архиереем великия приходы, не нуждно есть. Второе, яко архиерее святых апостолов суть преемницы, яко же апостоли ничесого имеша, и архиереи да имеют мало. Третие, за церковь пролил есть Сын Божий кровь свою, и не есть праведно архиереем лишеимства ради умаляти или стужати церкви божий, ея же ради Христос умре. Четвертое, не есть праведно взирати онсицы на прибыток, но на пользу и прибыток общий. Пятое, собор коеяждо кафолическия церкве не зрит, что глаголет онсица и что хочет онсица и что годно онсице, но что пользует церковь и что годно Богу. Аще же кто любопрится, глаголем тому с Павлом: мы сицеваго обычая не имамы, ниже церковь божия. И аще кто или нецыи противоглаголют или преслушают церковь, убо имеет тыя яко язычники и мытари, власть же наказует, не бо суетно мечь носить, но да добрыя снабдевает, тако противоглаголющия извергает и низлагает. Тако убо братие потщитеся и порадейте быти исправению и наипаче без коснения, скоро бо, глаголет, разори, быстро промысли, попецытеся, побдите, подвизайтеся и словом, и делом о утверждении и пространении святыя Христовы церкве, яко да получите и венец правды самей церкви первородных написанных на небесех, яко же получи блаженный Павел и прочий апостол и, тояжде бо есть и ныне паства апостольская, опаство и строительство в православней церкви и тыяжде мзды готовятся. Сего ради наведе не точию мне, но и всем любящим явление Его.

Велемощныя и обзирающия боляры священнаго и изящнаго синклита, и преосвященныя митрополиты и боголюбезнейшия архиепископы и епископы сущаго при вас святейшего престола, благословляще и моляще целуем о Господе; еще и преподобнейшия архимандриты и весь ту православный народ благословляем и молитствуем и молим Господа Бога нашего о всяком здравии и спасении их. Ваше

72

же блаженство да сохранит Господь Бог во здравии, спасении и мирном состоянии до старости глубокия, по конце же да сподобит е и Церкви первородных написанных на небесех. 1692 года в августе месяце из Влахии. Досифей, милостиею Божиею патриарх святаго града Иерусалима.