Грамота п. Досифея к Московскому патриарху Иоакиму в начале 1682 года, в которой он наставляет Иоакима относительно выполнения им его архипастырских обязанностей и снова просит его запретить православным читать латинские книги, отобрать их и сжечь, а скры

№ 15

Грамота п. Досифея к Московскому патриарху Иоакиму в начале 1682 года, в которой он наставляет Иоакима относительно выполнения им его архипастырских обязанностей и снова просит его запретить православным читать латинские книги, отобрать их и сжечь, а скрывающих их казнить.

Досифей, милостию Божиею патриарх святаго града Иерусалима и всея Палестины.

Блаженнейший и святейший патриарх царствующаго града Москвы и всея великия России, сарматский, масагетский, савроматский, скифский, ирканский и всех северных стран господине, господине кир Иоаким, во Святом Дусе сладчайший и любезнейший брате и сослужитель нашея мерности, братскую твою любовь любезне и радостно целуем, молим же Господа Бога, да сохранит тя во здравии и мирном состоянии во глубокую старость. Такожде и общего нашего сына и вашего, от Бога благословеннаго и обрадованнаго, святым целованием и апостольским молитствующе и благословляюще облобызаем. И весь причет и синклит молим и благословляем, молитствующе всем мир, милость, освещение нескверное и наследие нетленное и на небесех соблюденное во Христе, тому слава во веки. Аминь.

Прияхом честное ваше писание и два сорока соболей, запечатаны печатью вашею, от руки честнейшаго кир Константина Хри-

67

стофорова и благодарим. Радуемся же, яко здравствуете, також и мы здравствуем Спасителем Богом, носяще на себе язвы Христовы, и исполняюще лишение страстей Его. Со присным письмоносцем напишем братской любви твоей и приятелем, якоже подобает пространно, егда возвратятся они вспять, и сице, что есть в писаниях ваших требующее ответа, тогда приимите сполный ответ.

Ныне же молим тя потщися себя правити пред Господем делателя искусна, право правяща слово истины, и яко убо свет просвещай Церковь со писанием, и схолами, и учением евангелия мира; яко соль, имей слово солию растворенно, к тебе бывающим о согрешениих, буди вскоре милостив, от бывающих же ко Богу согрешениих ко кающимся буди сострадателен; аще злость пребывает и наказуема наругается, буди страшен и любовинителен. Еще же и вера христианская ныне прияла всякое предание святых отец, и кто положит когда или выложит от обычай церковных, иже соборная церковь держит, по первом и втором наказании да наказуется достойно ради безчиния его. Храни, храни, храни стадо Христово чисто от латинскаго письма и книг, яко все в них есть учение антихристово, понеже есть полны новосечения, полны хулы; в них бо есть безбожие калвиново и лютерово, довлеет благолепие и красота Святыя Христовы Церкви; не мешайтеся со блудники, глаголаше апостол, блудники же есть еретики и книги их. Великий царь Константин, и Феодосии, и Устиниан законоположиша Порфириа и Манента книги да не обретаются, идеже обрящутся, да сожгутся, и елицы я хоронят, смертию да казнятся. Тако сотворите и вы о латинских книгах, яко есть лестныя и прелестныя. Философские наши книги научили нас в начале нечестию, Евангелие же даде нам спасение, — довлеет сие. Сице вас нецыи оклеветуют яко неученых, рцыте с Павлом: не срамляемся Евангелием Христовым, сила бо есть всякому верующему во спасение, и паки: несть сия мудрость сходящая от Бога, но земная, душевная и учительная, глаголет другий апостол. И Павел паки: вера наша не в премудрости человеческой, но в силе Божией, понеже да не испразднится крест Христов. И аще кто учения ищет еллинскому языку, учитеся, а не другому, якоже пространнее написахом иеромонаху Тимофею. Ради некоего письма попросил мя иеромонах Тимофей, како тое письмо, я ли прислал к вам? О Константине тое письмо и я о том письме никакой ведомости не имею ни по какому образу. Сия вкратце. И владычествующая и блаженная Троица, Той единый Бог наш, да сотворит вам многолетно и выше всякия супротивныя силы.