Иоасаф, патр. Грамота к иерусалимскому патриарху Нектарию с усиленною просьбою, чтобы он разрешил Паисия Лигарида и восстановил его в прежнем архиерейском достоинстве

№ 7.

ГРАМОТА МОСКОВСКОГО ПАТРИАРХА ИОАСАФА К ИЕРУСАЛИМСКОМУ ПАТРИАРХУ НЕКТАРИЮ С УСИЛЕННОЮ ПРОСЬБОЮ, ЧТОБЫ ОН РАЗРЕШИЛ ПАИСИЯ ЛИГАРИДА И ВОССТАНОВИЛ ЕГО В ПРЕЖНЕМ АРХИЕРЕЙСКОМ ДОСТОИНСТВЕ.

„Святейшему и всеблаженнейшему великому господину и отцу кир Нектарию, Божиею милостию патриарху святаго града иерусалима и всея Палестины, Иоасаф, Божиею милостию патриарх московский и всея России, здравия, благоденствия и всяких благ душевных и телесных, и радоватися выну о Христе Господе, истинно желаем.

Велиим о Христе Господе сердце наше разширися веселием и ум неизреченною наполнися радостию, егда приемше ответное вашего преблаженства намерности нашея послание писание, обретох в нем истинную, якоже подобает учеником Христовым имети, любовь по оному Его завещанию: сия есть заповедь моя, да любите друг друга, якоже возлюбил вы. Сию заповедь твое преблаженство сохраняюще, друг еси Христов, по Его самаго блаженному извещению, еже есть: вы друзи мои есте, аще творите, елика аз заповедаю вам. Толикоже имея друга благословен еси, ибо ничтоже, еже благо, лишат тя; имевши вся, имея вся имеющаго друга; в десницы его долгота жития и лета живота, и в шуйци его богатство и слава. Того имея друга тебе, с тобою и в тебе, чесого лишен можеши быта? Воистинну вся благая с ним имееши купно, наипаче вечная, яко от создателя всех веков; обаче да выну безтщетно держиши и удержиши. Аз благодарей сый всячески обещания вашего, еже сотвори блаженство ваше, о молитвах святых мерности нашей, о блаженной жизни нашей временяей же

XII

и вечней, выну воздежду руде мои с теплым молением ко Христу Господу, да яко ответова святым апостолом: се аз с вами есмь по вся дни до скончания века; тако с твоим преблаженством, истинным святаго Апостола Иакова наместником, пребудет во вся дни живота вашего и со святым ероном вашим до кончины мира, да седатель и седалище твердо пребудут и непозыблемо. Увещание ваше братолюбное о мирном строении церкве и о добром пасении словеснаго стада Христова, любезно целуя, твердым незабвения ваялом изваях на скрижалех сердца моего, на них же предвари тожде божественным си перстом написати: сердце и всего мя человека создавый Архипастырь пасый израиля, и не усыдаяй и недремляй в хранении его. На преслании архипастырскаго ти благословения всему стаду Христову, жезлом правимому мерности нашея, духовным же и мирским велим же и малым, не малое, но великое, якоже достоит великаго Бога великому архиерею, именем всех пресылаем поклонение, с лобзанием десницы ти благословящия. О прочиих всех писаных к нам вами радуемся, точию едина печаль, аки дождь во время жатвы ущербляет ведро веселия нашего: еже есть о запрещении и отлучении от всякаго священнодействия Паисия Лигаридиа. О сем — како и где прежде живяше,—несть нам известие совершенно. Но отнележе пришедша его в царствующий и богоспасаемый град Москву, познахом, за девять лет создаде, ничесоже видехом по нем неистово и безчинно, пачеже премногия труды его премудрии, многую ползу церкви великороссийстей принесоша ихже мы благодарна суще, надежно молим братолюбие ваше, да не презревше прошения мерности нашея, даруеши ему оставление вины его, кая либо есть пред святостию вашею, и благоволиши ему прислати писанием своим архипастырским прощение и благословение, занеже всяческое являет по себе смирение в благопокорство к твоему преблаженству, яко законному архипастырю своему, и молил есть с многократным стужанием благочестивейшаго самодержца о отпущении к святительству твоему, ради взыскания прощения, якоже устне предостоверный свидетель, святейший и всеблаженнейший Паисий патриарх великаго града Александрии и судия вселенский, о всех может известите. Но благочестивейший, тишайший, самодержавнейший великий государь царь и великий князь Алексий Михайлович, всея великия и малыя и белыя России самодержец, благоволил его удержати, благословных ради вин, сиречь совершения ради зачатаго толкования нужнейших неких тайнопи-

XIII

саний, и обеща ему к вашему святительству ходатай быти о прощении. Темже аще твое преблаженство, поминающе Христово слово: будете милосерди, якоже и отец ваш милосерд есть; и ону молитву повседневную: и остави нам долги наша, яко и ми оставляем должником нашим—сотвори с ним всячески смиренно твоему жезлу архипастырскому преклоняющимся отеческое милосердие и остави долг его, дарующе прощение и благословение,—будет Отцу небесному благоприятно, царю благочестивейшему радостно и нашей мерности благодарно, и всей церкви российстей душеполезно, О сем прилежное наше многократно усугубляюще прошение, да, исполненну и совершенну радость нашу сотвориши, имамы не забывати преблаженства вашего у престола царя небеснаго о милости, у земнаго же о милостыни, пособствия ради. При сем святых ваших архиерейских требуем молитв и благословения, взаим воздаяти долг братолюбия и сослужительства нашего усердно по себе обещающеся и желающе, вам, со всем стадом словесным от Архипастыря небеснаго пасению вашему врученным, радоватися временно в вечно, спастися же и телом и душею.

Писася в царствующем граде Москве, в лето 1669, иуния 4 числа. 1)

1) Рукопись московской синодальной библиотеки, № 130, л.л. 39—41. Та же грамота в рукописном сборнике Флорищевой пустыни, № 109—676.