Алексей Михайлович, царь Грамота к александрийскому патриарху Иоакиму, чтобы он, Иоаким, уступил патриаршую александрийскую кафедру ее прежнему обладателю Паисию, находившемуся в Москве.

№ 2.

ГРАМОТА ГОСУДАРЯ АЛЕКСЕЯ МИХАЙЛОВИЧА К АЛЕКСАНДРИЙСКОМУ ПАТРИАРХУ ИОАКИМУ, ЧТОБЫ ОН, ИОАКИМ, УСТУПИЛ ПАТРИАРШУЮ
АЛЕКСАНДРИЙСКУЮ КАФЕДРУ ЕЕ ПРЕЖНЕМУ ОБЛАДАТЕЛЮ ПАИСИЮ, НАХОДИВШЕМУСЯ В МОСКВЕ.

Бога истиннаго, света присносущнаго и трисияннаго, его же держава вечна и щедроты пребогата милостию. Мы великий государь царь и великий князь Алексей Михайлович, всея великия и малыя и белыя России самодержец, да титло полное.

Словесных овец непорочнаго агнца бесценною кровию искупленных пастыреначальнику, архиерею пречестнейшему, святейшему и блаженнейшему папе и патриарху великого града Александрии и судии вселенскому кир..., небесных и земных благ, в разширение благочестия сугубаго, и благоденственнаго здравия от великаго и перваго архиерея, прошедшаго небеса, Господа Иисуса Христа Сына Божия, со всеми, на священных злацех пасомыми тобою, сподобитися, любезне приветствуем.

Премудрый он и приснопамятный во царех Соломон духом святым подвижен таковая провеща изрядне: даждь премудру вину и премудрший будет, сказуй, праведному и приложит приимати. Отче пречестнейший и во мнозе совете спасению быти все

1) Турецкие статейные списки, № 8, л.л. 66—68.

III

множество (во Христе) ... ... ... верных познавает быти. И мы убо, непобедимаго царя нашего и Бога Иисуса Христа силою, крестоносныя хоругви держаще, и о целости святыя матери нашея восточныя церкве веселящия в лепоту, яко прочим благочестия блюстителем, сице и вашей пречестности, яко мужу премудру и во изъяснению правды благая ушеса приклоняющу, о благих напоминати долженствуем, долженствующе коегождо ко благим побуждати и совет неразгласный святых совету вашей пречестности предлагаем: воспомянув пречестность ваша душеспасительный страх Божий и суд оный нелицемерный, комуждо по деяниям воздающий, уступи ныне неправильно тобою держимаго престола, правильне нань поставленному, вышепомянутому кир Паисию, святыя Александрийския церкве правильному архиерею, да праведнаго гнева Божия яко мудрый мудре взбежиши. Аще ли долга временна тяжестию обременен еси, мужу предобрый, прииди любве ради Божия в нашу богохранимую державу и приимем тя яко ангела Божия, заповедь святыя любве совершивша, и помощию Божиею исполним твоея святыни потребы яко же лепо, точию страха ради и любве Божия благаго нашего совета и любовнаго прошения не презри. Известно ведый всякаго грома глас Спасителев страшнейший: кая польза смотрения, вещаше, не приидох да послужат мне, но послужити и дата душу свою избавление за многих; онаго живодательная суть словеса сия вещающаго присно: хотяй в вас быти вящший, да будет всем раб, Онаго страшнаго владыки и перваго архиереа и судии всех архиереев сия повеления, иже воздаст комуждо по делом, его же крайнее незлобие, о любви присно всех нас и святым его евангелием и вещьми учащее и наказующее, пречестность твоя во уме носяй, яко муж премудр, от благаго нашего совета не уклонися и оному святейшему кир Паисию святыя Александрийския церкве правильному архиерею престола его правилне поступися, слыша трубы светлейший треблаженнаго Павла глас вопиющий: еже не лихоимствовати брата своего в вещи и не своея, но ближняго пользы искати и сим от царствия Божия себе не отдаляти. Что бо укорно сотвори муж он святый архиерей святейший? сие ли, яко любве ради Божией и ближняго, толь жестокое и здравия своего озлобительное в нашу державу путешествие подъя? толь, болезненна и едва стерпительныя от неистовнаго агарянска рода укоризны и напасти принесе? Коликая печаловная святая его ушеса тамо слышаша? коликия поты и труды в различных сключениях святое его тело претерпе? Бо за сия

IV

вящшия чести достоин есть муж он Божий, яко страстотерпец мужественный, а не лишения престола, или коего либо озлобления. Убо мужу пречестнейший душу твою пред престолом Божиим помилуй, и должный престол правильному оному архиерею советне предлагаем попусти восприяти, сим бо и соблажняющихся о сем твоем дерзновении утешиши и пред престолом нелицемернаго судии всех Бога нашего Иисуса Христа велие дерзновение, яко исполнитель святыя его любовныя заповеди, восприимеши, ему же, истинной жизни нашея окормителю угаждая и служа, твори еже той заповеда, и спасешися сам и послушающии тебе и о нас молитствуй.