Адриан, патр. Московский Постановление относительно Вологодских почитаемых усопших Герасима, Галактиона и Игнатия

IV.

Постановление патриарха Адриана относительно Вологодских почитаемых усопших: Герасима, Галактиона и Игнатия, от 1691—1692 года.

(Читается в одной из рукописей, принадлежавших покойному И. И. Савваитову, а теперь находящихся в Публичной Библиотеке, и напечатано И. А. Бычковым в первом выпуске Каталога рукописей Савваитова, принадлежащих Публичн. Библиотеке, Спб., 1900, стрр. 36—39).

«Священное писание глаголет: мнимые человеку пути правы благи не обретаются, аще не законне, аще не соборне, аще не искусне определены суть. Неправедное бо мнение и (неправедное) усердие чие либо о каковей вещи не точию себе, но и Церкви Божией сотворяет споны, зане, аще кого Господь Бог, Всетворец наш, прославляет в жизни сей, и по смерти объявляет людем Своим чудесы многими, того и знатная явления чудес бывает, яко в Церкви святей обретошася святии чудотворцы мнози, ихже всегда и памяти поет и мощи содержит. Незнатные же, ихже Вседержитель Бог особее не благоволи прославити знамении и чудеси, аще и свято и праведно дожита зде, не точию Церковью оные прославляются, но мнозех и имен не поминается, и всех святых и весь мир вместити в пишемыякниги не возможет.

Прешедшаго же лета 7199-го проси нашу мерность челобитьем из града Вологды Галактионовы пустыни игумен Аврамий с братиею, строители же и пустынные жители и всего града всяких чинов люди, в челобитьи же их писано, яко просияша внутрь и окрест Вологды града чудесы преподобный отец Герасим и преподобный Галактион и Игнатий, и мощи их нетленны, и чудеса сотворяют недугующым многая, и чтобы их свидетелствовати и церковною честию и пением, яко сущих чудотворцев, почествити и прославити.

432

И наша мерность, по таковому челобитию, послахом на Вологду к сыну и сослужителю нашея мерности, к преосвященному Гавриилу, архиепископу вологодскому, граммату, по нейже велено ему, архиепископу, про тех святых мнимых чудстворпев Галактиона, Герасима и Игнатиа известие сотворити, в кая лета который святый бяше, икакова чина и жителства, есть ли от кого каковое о нихизвестие или писание, и како их мощи суть, и где лежат, и каковые от них бяху чудеса.

И прешедшаго же 199-го лета в декемврии месяце Гавриил, архиепископ вологодский, по грамоте нашея мерности, о всем том тамо свидетелствовав, присла к нам книги за приписанием руки своея. В книгах же писано сице: Галактион и Герасим какова чина в мире быша и како пожиша и в кая лета, известия совершенного несть; точию обретается, не в подлинность же, яко бы Герасим бяше прежде в лето 6605-е и скончася в лето 6686-е месяца марта в день, постриженик в монахи Киевопечерскаго монастыря; и сие в возглавии гробницы его написано на листу. А лежит де он под спудом в земли, по край Вологодского посада при приходском храме Живоначальныя Троицы на монастыре в часовни, и в часовни гробница, а под часовню ход, в с гроба емлют тамо персть; а под часовнею против гробницы на земли лежит камень синей, от земли вверх до помосту часовни полтора аршина. А Галактион де в монашестве скончался в литовское разорение в лето 7121-е и лежит под спудом на Вологде за посадом в Духове монастыре, что называется Галактионова пустыня, и в теплом храме Знамения пресвятые Богородицы на северной стране во углу над гробом ли (его?) поставлена гробница, и в возглавии той гробницы его, Галактионов, стоит образ.

Суть же писана неколикая их и чудеса, а правде по приличности мало сходны, и достоверитися совершенно нечим, яко обретошася прочий святии чудотворцы, зане пришедше люди в монастыри их поют по них панихиды и молят о них Бога, а они будто целят, и с гробов емлют землю и метают с водою святою, юже чином святят в церкве, и тем болезненныя вреды мажут, и пиют, и целбы приемлют. И в чудесах же писано, что они кому являлися во сне и посылали, где кто лежит в монастыре, и повелевали все по них панихиды петь приходящим.

А в чину панихиды прошение творится, чтоб лежащему Господь дал оставление грехов, а не пришедшему целитися здравие каковое.

433

Обитающий же в монастырех и прочий люди старии сказаша, что чудес явных от сих Галактиона и Герасима никогда не видеша. Над кем же быша яко бы целбы от них писаны имяны во граде Вологде и инде, никтоже сказася (на поле против этого слова сноска: сыскася) на лице.

А о Игнатии како поживе, и где, и что от него бысть, и где он лежит в коем месте, ничтоже писано.

Сего ради наша мерность, таковая смотревше, из земли мощей их (аще и суть чии-либо в тех местех) изимати не повелеваем, такожде и прославляти в церкви яко совершенных мнимых чудотворцев пением и почитанием и на иконах изображении возбраняем, зане в незнании почитати не подобает, а святи ли они, подлинно неизвестно, ив церкви святей о том нужды несть, ибо всяк верующий в Бога и словеси Его во всяких скорбях целбы воспримет; по Евангелию, верующему вся суть возможна, и не погрешит всяк во всем на Господа надежды своея. Еще же определися церковью вновь торжеств мучеником и прочим святым не сотворяти, яко церковь святая исполнена и доволственна во всем святых песнопенми 1).

Аще ли и сии Галактион и Герасим и Игнатий святи суть, да молят Бога, но без особных знамениях чудесных мощи их да пребудут тамо нерушимо, зане чесого Бог не хощет объявити, творити тое несть на пользу, но в прогневание будет, от негоже да избавимся благодатию Господа нашего Иисуса Христа ныне и присно и во веки. Аминь»

1) Что разумеет тут патриарх (если не разумеет предписания собора 1667-го года, как указали мы в примечании к предыдущей его грамоте) не может сказать. Во всяком случае определения церкви, чтобы вновь не творить торжеств мучеников и прочих святых, не бывало, да и не могло быть, ибо это значило бы определениями и предписаниями человеческими ограничивать благодать Божию. Да и сам патриарх непосредственно далее говорит, что при условии особ(ен)ных чудесных знамений он признал бы Галактиона, Герасима и Игнатия за святых.

434