Павел, митр. Сарский и Подонский Духовное завещание

— 612 —

В. Духовное завещание Павла, митрополита сарского и подонского

(Рук. син. библ. № 684 стр. 468—482).

Во имя Отца и Сина и Святого Духа единосущные животворящыя и нераздельныя Троицы единово истиннаго Бога нашего.

Аз многогрешный раб Божий имярек усмотрех мысленными очесы моими, яко храмина телесе нашего не имат тверда камени во основании жизни сея, но на земли и ни песце основася, и того ради бури болезней возбеявшей и реце смерти нападшей на ню, разоряется падением велиим, душа же обитавшая в ней яко в гостиннице тщится к Создателю своему о всех в мире сем содеянных слово воздати: — кто убо есть человек, иже поживет и не узрит смерти, понеже человек яко трава, дние его, яко цвет сельный, тако отцветет, яко дух пройде в нем и не будет и не познает к тому места своего; изыдет бо дух его и возвратится в землю свою, в той день погибнут вси помысли его. Умыслих во время дней жития моего сие заветное писание начертати и последние воли моея известие не тайно сотворити, да не како мира всем и любве желаяй, распрям и пререканиям, по отшествии моем, виновник буду, — полезно судих, да аще и неуготовихся в житии моем во смерти, поне не буду не готов устроением дому моего чрез заветное писание. Не успех же дней жизни от Бога мне дарованные добродетелми украсити, ибо забвением болезновах смерти, ее же присное поминание есть к добродетелей поощрение и истинное христианское любомудрие—по мудрому екклисиасту: поминай последняя твоя и во век не согрешиши, последняя же суть четыре: смерть, суд, геенна и слава небесная, сея убо сладость стяжевается, овых же лютость гонзается присный смерти в памяти содержанием, не может бо той в гресех присно (на полях: выну) пребывати и в добродетельной житии не преуспевати, иже выну видит смертную косу на ся изощренну.

Смерть бо вся косою люте сецает,

в темные гробы всяк сан похищает,

невесть прощати нища и богата,

равне вси смерти посещают врата,—

знаменуют яко

ему же в мир сей внити

прилучися, в смертная врата ити готовися,

в няже толцаеш, ходище ногама

613

Гроб, есть—дом плоти; суть же врата яша и вся земля общий есть дом плоти, ибо всем во единой адаме изречение писася— земля еси и в землю отидеши; в ней же дом всякому живущему уставися по глаголу Иова праведного: дом всякому смертну земля; аще же дом есть, убо праведно есть никогда же его забывати, занеже дому своего никтоже забывати обыче,—праведный Иов глаголяй о себе ко Господу: вем, яко смерть мя истрет; подобно ему быта вси святии угодницы Божии, иже, поминающе смерть выну настоящую, они в пустыню отходяще (на полях: «отхождаху»), они в гробе!, они в пещерах, они в расселинах земных заключахуся и живии мертвецы являхуся, они в козиях кожах хождаху; овии верблужиими поясы поясахуся, во еже бы зряще на кожи мертвечинные, смерти памят содержати, научишася же тоя хитрости от самого учителя небесного, давшего адаму овчую кожу во одеяние, да не точию нагость свою покрывает, но зрящу мертвечинную кожу своея смерти не забывати.—Некогда диоген великому Александру смерть приведе в памят, да тою из сердца его искорени кичение, — сотвори же сице: во едином от градов бяху многие кости мертвых чело век совокупленны; идеже имевшу александру преходите, предвари диоген и вниде между кости тыя и нача я пребирати, аки нечто иский и познавая. Узрев же его Александр удивися и вопроси его: что ти бысть Диогене? Яко жив — погребаешися, кое тебе живу сущу с мертвыми общенье? и кая ти с немыми философия? Отвеща Диоген: ищу, рече, главы и костей страшнаго царя и великаго в мире победителя и торжественника—Филиппа отца твоего, но не могу познати — вси бо суть подобны. Еже услышав, Александр воздохне от глубины сердца и помяне смертна себе быти. Известни убо есмы вси яко умрем, но неизвестно смерти время и то строением Господним во ползу нашу, глаголет бо негде некто: не веси в кий час приидет, выну бди, да его же не веси, когда приидет, готова тя обрящет, егда приидет, и того негли ради не веси когда приидет, да всегда готов будешы, тожде само апостол нам вещает, глаголя: день Господень, яко тать в нощи, паки приидет, и аз окаянный леностию исполненный, унынием отягощенный не бодрствовах бдением пастырскому званию ключимым, но спах не в брежении вся дня жизни моея. Видя иные ко гробу относимы, себе мнях далече от смерти отстояти, но ныне кто ми даст крыле таковы, да постигну дни моя протекшыя? кто ми возвратит век мой, да выну смерть поминая вечного живота сотворю достойная

— 614 —

деяния? но суетно есть сень ловити и тщетно неподобных ждати, но уплыве невозвратное время, утекоша не воспятимая лета преидоша дние, яко слово никогда же обращающееся к языку; Божее точию не уплыве ми милосердие, еже и един час последний во винограде его трудящимся равный пенязь платит, еже и малые две лепте за великое приемлет подаяние, еже и покаяние самое имать, яко доброе деяние; к тому убо в последнее время жизни моея, яко блудный сын с велием притекаю упованием, слезно прося его благоутробие, еже грех юности моея не помянути и от чуждых пощадити раба своего, да оставит ми леность мою и небрежение и весь долг отпустит ми, яко человеколюбец; ибо не прииде грешные погубити, но в покаяние призвати и спасти погибшее, его же благодать в православно-кафолической вере укрепи мя незыбленну пребыти, яко во крещении чрез уста восприемника моего, исповедание ее сотворих и яко внегда хиротонисанну ни бывшу в великое архиерейское достоинство усты моими прочтах символ святый и во сведетелства сердечнаго со усты согласия дах и на хартии начертанный тако до посдедняго издыхания моего держу, храню и соблюдаю, ничтоже дерзая отъяти, приложити или изменити, не смея пределов отец святых преступити с сею святою верою, яко з знамением христианства нашего отхожду к Богу. Но занеже деяния моя имам неисправленна, неточию пред Богом, пред нимже всяк живый не оправдится, но и пред вами ближними моими, яже и словом оскорбляй и делом озлобляя и негли безчинным и окаянным моим житием соблазяях много, желаю усердно цельбу от того же врача небесного получити и преклоняю главу мою грешную с сокрушенный сердцем к престолу величества славы Божия, да некако в пути вечности, уже ми предлежащей, тех ради язв ослабею и отечества небесного достигнути не возмогу. Во первых убо истинное имея в сердце моем покаяние о всех моих согрешениих, яже содеях—мыслью, словом, и делом и оставлением дел благих, посем вашему благоговеинству главу мою смиренно преклоняю со усердным прошением, да аще кого от вас опечалих, прогневах, оскорбих, озлобих или соблазних, прощение моему неискуству благоволите даровати, знающе, яко всяк человек имат своя немощи, поминающе же самого Христа Господа оное милостивное слово: отче святый! отпусти им не ведят бо, что творят;—и овое увещание: аще отпущаете человеном согрешения их, отпустит и вам отец ваш небесный, аще ли не отпущаете человеком согрешений их, ни отец ваш

— 615

отпустит вам согрешений ваших. Аз же от мое части, не точию всем подаю прощение, но с веселием сердца моего оставляю вам мир и благословение. Во первых же — Благоверному Благочестивому Христолюбивому Государю нашему царю и великому князю имярек всеа великия и малыя и белыя россии самодержцу и его великого Государя Благоверной царице и великой кн. имярек и его великого Государя благородным чадам Благоверному и благородному Государю Царевичю и великому князю имярек и проч. и его великого Государя благоверным и благородным сестрам благоверной и благородной царевне и вел. княжне имярек и проч, и его великого Государя благоверным и благородным дщерем, благоверной и благородной царевне и великой княжне имярек и прочим.

Оставляю мир и подаю благословение, моля всещедраго Бога, да хранит я во крове крилу своею здравы и долгоденственны во всяком благополучении и уготует им неувядающыя венцы небесного царствия; сам же от их пресветлости со смиренным поклоном прощения желаю.

Тоже сыновнее мое творя поклонение даже до лица земли пад у честных стоп великаго Господина святейшего патриарха имярек московского и всеа русии, молю отеческого прощения и благословения, купно же и молитв святых, имиже много поспешествован быти надеюся в пути предлежащем души моей, посем усердное приношу моление о святем дусе братии смирения моего—преосвященным митрополитом и архиепископом, боголюбивым епископом, яко да благоволят ми по своей любви в житии моем явленной тужде неизменну и по преставлении явити и даровати прощение и благословение и молитвами своими святыми, яко благополучных ветров веянием, да пособствуют ми ко пристанищу небесному. Аз же их святительству не имея что простити, вси бо ми благодетелие и любимицы быша, токмо убо последнее даю целование и благоденствовати о Господе желаю.

Преподобным архимандритом, всечестным игуменом, священником, священный протопопом, честный персом, иеродиаконом, протодиаконом, диаконом, иноком же и инокиням и всему причту церковному—тако во врученной моему смирению епархии сущим, якоже и во прочиих епархиах всего православного Государства московского обитающим оставляю мир и благословение и прощение,—сам от их благоговеинства желая прощения и

618 —

Во-первых, убо—якоже прежде вручих душу мою Господеви, создавшему ю, тако и паки, яко сокровище небесное в сосуде скудальном телесе окаянного храненное, повнегда сокрушатися сему от жезла смерти вручаю Царю небесному в сокровища его вечная; тело же мое окаянное в недрех всех матере положенно буди — во граде Богоспасаемом имярек во храме имярек. Имения же от Бога врученная ми тако устрояю:

во храм имярек

на погребение

на поминание

на нищия

на заключенныя

на монастыри имярек

на училища имярек

на искупление пленные

сродником

другом имярек

домочадцом имярек

и прочая.

Сие ми земного таланта устроение непщую, яко вменит Господь по своей милости за доброе раздаяние торжником, устроих же и разположих сице свободным моим изволением, имея Божией благодатию разума целое и здоровое употребление. Послужителя же сея моея последния воли и завета избрах честного и благоговейного мужа имярек, его же верности и благосовестной души вручаю вся стяжания моя, моля любовь его, да тако устроити и воля моея не преступити потщится, якоже себе по своем отшествии от мира от иных устроено быти желает. Вем, яко знает око Божие бдети выну и десницу с воздаянием по делом готову, точию да не будет в верности его ни откуду пререкание и препятие. яко от духовные, сице и от мирских человек, от сродников моих и знаемые, имже ни мало к сему дела вручаю завету, аще же кто забыв страх Божий, бесстудия покрыется личиною, и побеждаем сребролюбием, начнет пакости некия деяти и препинания,—тому скоро сотворит месть всесилная десница Божия, в наказание прочим, якоже не умедли Гиезию проказу папустити, по словеси иелисея пророка, и наведет нань вся злая, яже псаломник написа в псалме 108-м; пособствующим же, еже ко исполнению завет воля моея приводити, да даст Господь благословение авраамово, исааково, иаковле и да возвеличит его, якоже иосифа в Египте. Напоследок всем христоименитым людем мир оставляю и благословение, здра-

— 619 —

вия желаю и долгоденствия; по изменении же временности на вечность—бесконечного со Христом царствования. А во еже бы усумнения о сем завете моем никомуже восприяти и держати, се руки моея грешные подписанием достовернаго ради и свидетельства укрепляем. Написася сей завет в лето 7181-го году месяца в день индикта.