«Хартия» Новоспасского монастыря архим. Иосифа с братиею о пожертвованиях в этот монастырь Павла митрополита сарского и подонского.

Б. «Хартия» Новоспасского монастыря архим. Иосифа с братиею о пожертвованиях в этот монастырь Павла митрополита сарского и подонского. Там-же (стр. 444—455).

Во имя Отца и Сына и Святого Духа. Аминь.

Елико убо солнце на оризонт вышще восходит, толико паче светлее сияет, и луча своя всем обидно простирает и вся животная увеселяет, и добродетель, аще и в тайце, елико

— 607

вящше творима, толико паче всем, яко свет явленна бывает и творящия ю прославляет, понеже отец наш небесный видяй кого благотворища в тайне, мздовоздает ему в яве и от видящих добрая его дела, сам отец наш небесный прославляем бывает и славящая его прославляет, яко сам рече: тако да восияет свет ваш пред человеки, яко да видят добрая ваша дела и прославят отца вашего, сущего на небесех,— инде: славящая мя, рече, прославлю.

Великий Господин Преосвященный Павел митрополит Capский и Подонский, егда еще не бе монах, но сый протопрезвитер во царствующем граде Москве, прохождаше всякую добродетель, паче же милость ко всем творяше, навыкнув сему еще из млада и день дне добродетелей предуспеваше, задняя по апостолу забывая, в предняя же простирайся, ведая, яко изменяется время от утра до вечера и вся суть скора пред Господем, по реченному святым первоверховным апостолом Петром, яко день един, паче же по псаломнику дни лет наших, яко стража нощи и яко все изменцтся вскоре; изволи сокровища своя не из нужди, ниже от скорби, но еще сый о благоздравии, благоволною своею волею сокровищствовати на небеси, по зачиненному самим Спасителем Христов, идеже ниже моль, ниже ржа губит и идеже татие не разкопывают, ниже крадут; да идеже убо есть его сокровище, тамо и сердце его и душа его будет. И тако не скупостию, но о благословении сеяше семя добродетелей своих, да о благословении стократный плод рукоятий своих, рекше рукодаяний своих, и пожмет и вложит я влагалища(е) неветшаема(о), да аще и земный его храм телесе по общему долгу разрешится, создание от Бога возимать дом нерукотворен, вечен на небесех по тезоименному его апостолу—свирели духа вся оглашающей божественному Павлу и бысть странным, вдовам, сиротам, монастырем и церквам доброхотен датель. Посем яко мудр архитектон здаше себе дом во вечное обитание, не на песце мира сего любления, но на краеуголном камени Христе, всех в мире сем сущих отверженцем. И первое избра себе дом во обучение духовного жительства, зде Всемилостивого Спаса обитель, боголепного Его преображения, зовемую на Новом, в нейже по обещанию своему всего самого себе Богу отдав, подиде благому его ярму смирения и подпряжеся бремени его легкому, со одеждою монашескою, по чину великого Пахомия постничества обучению, идеже из Петра имене в рождении плотстем назван-

608 —

наго, во обещания монашеском подучи Павла преименование яко тех апостолов единоименных ему, сопругу Христовых волов браздоделателному духовного ралосеяния ко именем в делом последоваше со Петром убо глаголющим: есмы оставихом вся—остави неветхую рыболовную мрежу, но многая мира сего благая, со богатством славу купно и честь велию, еюже от самодержца царя почествован бе, со Павлом же укрествовася миру и мир ему и тако прохождаше молчанно уединенное монашеское жителство, со всяким благопокорением и смирением, отдав вся своя имения, овое монастырем и церквам, своеже чрез требующих скудных сущих вложи в руки самого Христа; таже совлечеся ветхого человека тлеющего по пожеланием прелести, облечеся в нового человека, созданного по Богу в правде и преподобии истинны, и волю свою подчини духовному своему наставнику, мужу благоговейному и в монашеских обучениях многовременно искусному, тояжде обители прежде нас бывшему архимандриту, господину Никону, егоже добродетелем и благонравию подражател есть и наследник. Бог же вся ведый прежде бытия их, иже обыче самоволно смирившимся благодать свою даяти и вящше возвышати я по реченному: возвышаяй себе смирится, смиряяйся же — возвысится. Убо и сему Господину (аще и необычно, обаче яко наследнику первоверховных апостол Петра и Павла имен, яко мнится прилично рещи—Петро-Павлу), смирившему себе конечным смирением, даде благодать свою, возвышающую его, не во свою его точию ползу, но многих в наставление, да спасутся, возведе его на степень архимандритий, в наставление монашествующих во велицей и преславной обители среди царствующего града Москвы, зовемыя Чюдова, созданныя российским архиереом великим чюдотворцем Алексием. Онже и тамо неоскудеваше от к требующим благотворения, но паче во множайшая благодеяния различная распростирашеся и богоданный ему талант усугубляше, всякому бо просящему и всегда и словом и рукою милость давяще, по времени и по требе коегождо. Бог же паче прилагаше ему вящшая таланты, да вящше Владыце своему плод приносит: преведеся бо оттуду по некоем времени на вящшее архипастырство на архиерейское достоинство митрополии Сарския и Подонския. И тамо добре пасяше чреду, врученную ему от архипастыря Христа и всегда яко добр пастырь печашеся о овцах своих, и труждашеся бодренно и не даяше себе упокоения. Итако часто утружден архипастырства подвига, во

— 609 —

уме обношаше дом, идеже смиренномудрый волно смирив себе навыче вящшему смирению от кроткого и смиренного домовла-дыки Христа, по реченному: научитеся от мене, яко кроток есмь и смирен сердцем и обрящете покой душам вашим, желаше обрести яко врабий—дом и яко чадолюбивая горлица—гнездо во упокоение души своея и глаголаше со псаломником: коль любезна селения твоя, Господи сил, желает и оскудевает душа моя в дворы Господни. И часто поучашеся о благолепии дому красного добротою, глаголя: Господи возлюбих благолепие дому твоего, и место селения славы Твоея. И первое в храме, в немже отложи священновенчанные главы своея власы, положи яко некий венец во украшение неточию самого оного храма, но и всеа честныя лавры или яко некий столп водружи во твердыню прежнего по обещанию своему тамо даяния,—постави во храме владыки Христа животворящий крест его, состроенный от злата и сребра, украшенный каменми драгими и маргариты, на подножии сребряном каменми утворенном с лагалищем златоповлеченным. Еще постави образ служителя Христова, своего же защитника, великаго архиереа Алексия чюдотворца, от живущия в нем ко святому любве, живописанный на златопокованней дсце и украшенный весь многими маргаритами со драгоценными диаменты и анфраки и иными драгими каменми многоцветно изпещренный, могущ зрети приходяших очеса удовляти. Во священное же служение даде сосуды, дискос, потир, звезду, копие и лжицу со дароносными треми блюды вся сребренны и позлащенны и приложи на оны священнослужебные сосуды покровы златотканныя, имущия креста изображения маргаритонизанныя. Еще даде во украшение чина священнаго митру златокованную и утворенную маргаритами же многими и драгими каменми, в ней же священнодействуют они архиерее,—по благословению же их имут в службодействии по обычаю российскому и архимандриты. Вторую митру даде в постное служение, украшенную мартариты же; к сим дарова два фелоня,—един фелонь златотканный имущ постав, со нарамницею маргаритосыпанною, и со иными драгими утворенми, епитрахиль златошвенную,—стихарь златотканный персийскаго художества постав имущ, пояс златотканный, на егоже концах оглавия маргаритосыпанная с каменми разноцветными, наручнипы златошвенныя; вторый фелонь, златотканный же постав, нарамницу имущ златошвенную с прочими всеми одеянми иерейскими и иная церковная утворения, в дом сей всещедраго и всемилостиваго Спаса Христа

610 -

Бога, его, великого Господина, щедрою и обидною рукою на строение дому сего, в различная времена данная, овая в памятех своих обносяще, овая же приникше в памятописанную монастыря сего книгу смотрихом и все его в дом сей святый многобогатое поданние прилежно изчетше, обретохом подаяния его всего на две тысящи рублев; особноже коеяждо вещи цена написана в монастырских наших казенных книгах. Мы же тоя Спасовы обители жители приемше благоволное его даяние, яко прияше Павел святый данное ему от фялипписиян,—в первых благодарихом всеблагаго домостроителя и Владыку всемилостиваго Спаса, яко в сия наша времена дарова такова призирателя, и любителя благолепна дому своего даде, и молихом благость его и еще молим и помолимся, да приимет дар сей от рук его великого Господина преосвященного Павла митрополита Capскаго и Подонскаго, яко воню благоухания и яко жертву приятну и благоугодну и да воздаст ему зде убо стократное воздаяние на вящшее ему благодеяние, в будущем же веце жизнь вечную. К семуже помыслихом, яко по древнему обычаю во благочестии живущий лаврстии монаси ис пречестных обителей благодетелей подаяние их начертавше со подписанием рук и печатей приложением во утвержению в незабвенное знамение их благодетельств к тем обителем и но благоволению во оных обителех сожития братий в невозбранное вшествие, таковые хартии оным благодетелей подаяху—судихом и мы смиреннии архимандрит Иосиф з братиею, дому всемилостиваго Спаса великому благодетелю и усердному строителю великому Господину Преосвященному Павлу, митрополиту Сарскому и Подонскому подаяние его на сей хартии начертавше и во свидетельство истины руками нашими подписавше и печатню утвердивше вручити ему великому Господину Преосвященному Павлу митрополиту Сарскаму и Подонскаму, да не забвению предастся многое его благодеяние к нам убогим и подаяние к дому святому, но да и по нас будущий такового благодетеля уведнт, аще и не тре»бующему сего, но хотящу ояому премногое свое подаяние тайно быти по зачиненному от самого Христа Бога глаголющего: да не увесть шуйца твоя, еже творит десница твоя, но мы усердствуем светилник милости его светящей не сокрыти под спудом, но возложити на свещник, да зрящий таковый свет добродители его прославят светодавца Бога небесного отца; еже и сотворихом во изъявление превеликия его любве к дому святому и неусыпнаго о строении всякаго благолепна и болящия

— 611 —

братии о упокоении попечения. И вси на сие подписахомся, яко многаго его ради подаяния иерее обители сея да приносят о нем Господу Богу жертвы и литургии да совершают и молитвы да творят, яко да подаст Господь Бог благодетелю нашему,—ему великому Господину зде душевное спасение и многолетное здравие. Аще же яко человек немощию плоти обложенный в нечесом Господу прегреши и сия всемилостивый Господь да оставит ему, таже аще во обещании своем во обители Спасове некогда возблаговолит обитати и нам имрк с братиею, и по нас иным настоятелем и братии обители сея, его, великого господина, имети честна и упокоение телеси потребное воздаяти всячески довольное пищею и одеждою и работный послужением со всяким почествованием любезно. Егда же по многолетном зде благопребывании общий человеков долг исполнит, преселится в небесные скинии к самому Христу всецарю зрети его не в гаданиях, но лицом к лицу,—тогда тело его предати земли—аще благоволит во обители святой на месте, идеже он великий Господин завещает, душу же его в молитвах церковных, пачеже при бескровные жертвы приношении поминати всегда и собственно памяти по нем по вся лета творити непременно месяца июня в 29 день и на день преставления его от земных на небесная; и во оные дни литургии по нем творити, свещами и кадилы церковь устрояти, нищия и странные питати и братию обители упокояти, и заповедовати всем тогда питающимся и упокояющимся молитвы о нем творити. Аще же это нас или будущих по нас восхощет даяний его что себе взяти, или у церкви отъяти или иному кому отдати, таковый на суде божием—да отвещает и да есть и будет святокрадец. Вси на сие руками припасуем и мыслью согласуем, яко хищати себе и у церкви отъимати нехощем и не будем и иным не попустим, ниже мыслящим таково что сотворити сложимся и ни едино общение с таковыми имети будем. Написася сия хартия в дому всемилостиваго Спаса во обители, зовемой на новом, повелением архимандрита Иосифа и всея братии—в лето миросоздания 7183-го, от воплощения же Божиего Слова единосущнаго Отча Сына 16 ...... месяца ......... в де ......... индикта.

Преставися Преосвященный Павел митрополит 184-го году Сентемврия месяца против 9-го числа; погребен в монастыре у всемилостивого Спаса на Новом, великия церкви под олтарем.